جب بھی نیا چاند نظر آئے تو یہ چند اعمال بجا لائے:

﴿۱﴾ سب سے پہلے تو چاند دیکھنے کی دعا پڑھے اور سب سے مناسب صحیفۂ کاملہ کی تینتالیسویں دعا ہے کہ جو پہلی رمضان کے اعمال میں بھی ذکر ہو چکی ہے۔

﴿۲﴾ آنکھوں کے درد سے حفاظت کیلئے سات مرتبہ سورۂ حمد پڑھے۔

﴿۳﴾ پنیر کھائے، یہ چیز ایران و عراق میں ہوتی ہے اور اسے دودھ سے تیار کیا جاتا ہے۔ روایت ہوئی ہے کہ جو شخص ہر قمری مہینے کی پہلی شب میں پنیر کھاتا رہے تو اس مہینے میں اس کی کوئی دعا رد نہیں ہو گی۔

﴿۴﴾ چاند رات میں دو رکعت نماز پڑھے جس کی ہر رکعت میں سورۂ حمد کے بعد سورۂ انعام کی قرأت کرے۔ نماز کے بعد حق تعالیٰ سے دعا کرے کہ وہ اسے ہر درد وخوف سے بچائے رکھے اور اس مہینے میں اسے کوئی ایسا معاملہ درپیش نہ ہو جس کو وہ پسند نہ کرتا ہو۔

﴿۵﴾ ہر قمری مہینے کی پہلی کے دن دو رکعت نماز ادا کرے جس کی پہلی رکعت میں سورۂ حمد کے بعد تیس مرتبہ سورۂ توحید اور دوسری رکعت میں سورۂ حمد کے بعد تیس مرتبہ سورۂ قدر پڑھے اور نماز کے بعد صدقہ دے۔ اگر ایسا کر لیا گیا تو گویا اس نے حق تعالیٰ سے اس مہینے میں اپنی سلامتی خرید لی ہے۔ بعض روایات میں منقول ہے کہ اس نماز کے بعد یہ دعا پڑھے: