خدا کے نام سے جو بڑا رحم والا مہربان ہے

خدا کے نام سے خدا کی ذات سے میں نے منہ بند کر دیا ہے جنوں، انسانوں، شیطانوں اور جادو گروں کا

اور ابلیسوں کا جو جنوں انسانوں اور حاکموں میں سے ہیں اور جو ان کی پناہ میں ہیں

اللہ کے ساتھ جو غالب اور غالب تر ہے، اور اللہ کے ساتھ جو بزرگ اور بزرگ تر ہے

خدا کے اس نام سے جو ظاہر وباطن اور پوشیدہ خزانہ ہے

جس سے اس نے آسمانوں اور زمین کو قائم فرمایا

پھر عرش کی طرف متوجہ ہوا

خدا کے نام سے جو بڑا رحم والا مہربان ہے

اور ان پر حکم عذاب پورا ہو گیا کہ وہ ظالم تھے پھر وہ بول بھی نہ سکیں گے

خدا فرمائے گا اس میں جا پڑو اور زبان نہ کھولو

اور سب کے چہرے اسی زندہ و پائندہ کی طرف جھک گئے

وہ ناکام رہا جو ظلم کا بوجھ لایا

آوازیں لرزاں ہیں خدائے رحمٰن کے سامنے ۔ پس تو نہیں سنے گا مگر گنگناہٹ

اور رکھ دیے ہم نے ان کے دلوں پر سرپوش تاکہ سمجھ نہ پائیں اور کانوں کو بہرا کر دیا

جب تم قرآن میں اپنے یکتا خدا کا ذکر کیا کرتے ہو تو کافر لوگ نفرت سے الٹے پاؤں بھاگ جاتے ہیں

اور جب تم قرآن پڑھتے ہوتو ہم تمہارے

اور ان کے درمیان جو آخرت پر ایمان نہیں رکھتے ایک بھاری پردہ ڈال دیتے ہیں

ایک دیوار ہم نے ان کے آگے اور ایک دیوار ان کے پیچھے کھڑی کر دی ہے

پھر انہیں اوپر سے ڈھانپ دیا کہ وہ نہیں دیکھ سکتے

آج کے دن ہم ان کے ہونٹوں پر مہر لگا دیں گے اور ان کے ہاتھ ہمیں سب کچھ بتائیں گے کہ وہ خود بول نہ سکیں گے

اگر تم وہ سب کچھ خرچ کرو جو زمین میں ہے تو بھی ان لوگوں کے دلوں میں الفت نہیں ڈال سکتے

مگر اللہ ہی نے ان میں الفت پیدا کردی بے شک وہ زبردست ہے حکمت والا

اور اے اللہ رحمت نازل کر محمد اور ان کی پاکیزہ اولاد پر۔