دکۃ القضاء مسجد کے اس چبوترے کا نام ہے جس پر بیٹھ کر امیر المؤمنینؑ فیصلے کیا کرتے تھے۔ اس کے قریب ایک چھوٹا سا ستون بھی تھا جس پر یہ آیت کریمہ لکھی ہوئی تھی: اِنَّ ﷲَ یَأْمُرُ بِالْعَدْلِ وَالْاِحْسَانِ۔ (بے شک خدا حکم دیتا ہے انصاف اور نیکی کرنے کا)۔

بیت الطشت وہ جگہ ہے جہاں امیر المؤمنین علیہ السلام سے معجزہ ظاہر ہوا جو ایک کنواری لڑکی کے بارے میں تھا۔ ہوا یہ کہ وہ لڑکی پانی میں اتری اور ایک جونک اس کے پیٹ میں چلی گئی، پھر وہ خون چوس چوس کر بڑی ہو گئی جس سے اس لڑکی کا پیٹ بڑھ گیا۔ اس لڑکی کے بھائی یہ گمان کرنے لگے کہ یہ کنواری ہوتے ہوئے حاملہ ہو گئی ہے، لہذا وہ اسے قتل کرنے پر آمادہ ہو گئے۔ پس وہ اس امر کا فیصلہ کرانے کیلئے اس لڑکی کو امیر المؤمنین علیہ السلام کی خدمت میں لے آئے۔ حضرتؑ نے حکم دیا کہ مسجد میں پردہ بنایا جائے پھر اس لڑکی کو پردے میں بٹھایا اور ایک دایہ کو بلوا کر صحیح صورت حال معلوم کرنے کے لئے لڑکی کے پاس بھیجا۔ دایہ نے اچھی طرح دیکھنے کے بعد عرض کیا، یا امیر المؤمنین علیہ السلام یہ لڑکی حاملہ ہے اور اس کے شکم میں بچہ ہے۔ اس پر آپؑ نے فرمایا کہ ایک طشت ﴿تھال﴾ کیچڑ سے بھر کر لایا جائے اور اس لڑکی کو اس میں بٹھایا جائے جب یہ عمل کیا گیا تو جونک کیچڑ کی بو پا کر اس کے پیٹ سے باہر نکل آئی۔ ایک اور روایت کے مطابق حضرتؑ نے ہاتھ بڑھا کر شام کے ایک پہاڑ سے برف کا ٹکڑا اٹھا کر تھال میں رکھا تو وہ جونک اس لڑکی کے پیٹ سے باہر نکل آئی اور اس لڑکی کا پاک دامن ہونا ثابت ہو گیا۔

یاد رکھنا چاہئے کہ مسجد کوفہ کے اعمال کی مشہور ترتیب یہ ہے کہ چوتھے ستون کا عمل بجا لانے کے بعد وسطِ مسجد میں جا کر اس کے اعمال بجا لائیں، پھر دکۂ امام جعفر صادق علیہ السلام کے اعمال اور سب سے آخر میں دکۃ القضاء و بیت الطشت کے اعمال بجا لائیں۔ لیکن ان اعمال کے بارے میں ہم نے وہ طریقہ اختیار کیا ہے جسے سید ابن طاؤس نے مصباح الزائر میں، علامہ مجلسی نے بحار الانوار میں اور شیخ حضرمیؒ نے مزار میں ذکر کیا ہے۔ ہاں اگر کوئی شخص طریقۂ مشہورہ کے مطابق اعمال کرنا چاہے تو وہ ستون چہارم کے بعد دکۂ امام جعفر صادق علیہ السلام کے اعمال اور پھر دکۃ القضاء و بیت الطشت کے اعمال بجا لائے۔

دکۃ القضاء کے اعمال

ہم کہتے ہیں کہ دکۃ القضاء کے قریب جائے، وہاں دو رکعت نماز جس سورہ سے چاہے ادا کرے اور تسبیح فاطمہ زہراؑ سے فارغ ہو کر یہ دعا پڑھے:

بیت الطشت کے اعمال

بیت الطشت جو کہ دکۃ القضاء کے ساتھ متصل ہے وہاں دو رکعت نماز ادا کرے۔ نماز کے بعد تسبیح فاطمہ الزہرا سلام اللہ علیہا پڑھے اور پھر یہ کہے:

روایت کی گئی ہے کہ حضرت امام جعفر صادق علیہ السلام نے بیت الطشت کے مقام پر دو رکعت نماز پڑھی تھی۔