یہ مقام حضرت امام زین العابدین علیہ السلام ہے۔ پانچویں ستون سے فارغ ہو کر مقام امام زین العابدین علیہ السلام کی طرف جائے جو باب کندہ سے متصل تیسرے ستون کے نزدیک ہے۔ مؤلف کہتے ہیں کہ یہ مقام قبلہ رخ کی طرف سے دکۂ باب امیر المؤمنین علیہ السلام کے مقابل اور مغرب کی طرف سے باب کندہ کے مقابل ہے جو اب بند کر دیا گیا ہے۔ یہ بھی کہا گیا ہے کہ بہتر یہ ہے کہ اس ستون سے پانچ ذراع دور ہٹ کر نماز ادا کرے کیونکہ اصل دکہ اتنے ہی فاصلہ پر واقع تھا۔

بہر حال اس مقام پر دو رکعت نماز حمد کے بعد جس سورہ سے چاہے بجا لائے۔ سلام کے بعد تسبیح فاطمہ زہرا سلام اللہ علیہا پڑھے اور پھر یہ دعا پڑھے:

پھر سجدے میں جا کر اپنا دایاں رخسار زمین پر رکھے اور کہے:

ان کلمات کو عجز و گریہ کے ساتھ بار بار دہرائے اور پھر بایاں رخسار زمین پر رکھے اور یہی کلمات کہے اور جو دعا چاہے مانگے۔

مؤلف کہتے ہیں: بعض غیر معتبر کتب جو لوگوں کے درمیان معروف ہیں ان میں یہ کہا گیا ہے کہ اسی مقام پر وہ عمل بھی بجا لائے جو امام صادق علیہ السلام نے اپنے بعض اصحاب کو تعلیم کیا تھا۔ لیکن وہ عمل اس مقام کے ساتھ مخصوص نہیں ہے، لہٰذا اسے جہاں چاہیں بجا لائیں۔ چنانچہ آپ نے اپنے ایک صحابی سے فرمایا: کیا صبح تم کام پر نہیں جاؤ گے کہ تمہارا گزر مسجد کوفہ سے ہو؟ اس نے عرض کیا کہ ہاں مجھے جانا تو ہے۔ تب آپ نے فرمایا کہ تم مسجد کوفہ میں چار رکعت نماز بجا لانا اور پھر یہ دعا پڑھنا:

پھر پڑھے:

شیخ شہیدؒ اور محمد بن مشہدی نے اس عمل کو صحن مسجد کے ستون چہارم کے بعد ذکر کیا ہے، اور وہ چار رکعت اس طرح بجا لانے کو کہا ہے کہ اس کی پہلی دو رکعت میں سورۂ حمد کے بعد سورۂ اخلاص اور دوسری دو رکعت میں سورۂ حمد کے بعد سورۂ قدر کی تلاوت کرے اور سلام کے بعد تسبیح حضرت فاطمہ زہراؑ پڑھے۔

ایک معتبر حدیث میں ابو حمزہ ثمالی سے منقول ہے کہ ایک روز میں مسجد کوفہ میں بیٹھا تھا اچانک ایک صاحب جو تمام لوگوں سے زیادہ خوبصورت تھے اور ان کے جسم سے خوشبو آرہی تھی۔ بہترین لباس میں ملبوس، سر پر عمامہ، جسم پر زرہ اور عربی جوتے پہنے ہوئے تھے، وہ باب کندہ سے مسجد میں آئے۔ اپنے جوتے اتارے، ساتویں ستون کے قریب کھڑے ہوئے اور ہاتھوں کو کانوں تک لے جا کر تکبیر کہی۔ ان کی تکبیر کی دہشت سے میرے بدن کے رونگٹے کھڑے ہو گئے۔ اس کے بعد انہوں نے چار رکعت نماز ادا کی اور بڑے بہترین طریقے سے رکوع و سجود کیا۔ بعد میں یہ دعا پڑھی اِلٰھِیْ اِنْ كُنْتَ قَدْ عَصَیْتُكَ.... (مذکورہ بالا دعا)۔ جب یَا كَرِیْمُ تک پہنچے تو سجدے میں گئے اسے اتنی بار پڑھا کہ سانس رکنے لگی۔ سجدے ہی میں آپ نے یہ دعا پڑھی۔ یَا مَنْ یَقْدِرُ عَلٰی حَوَائِجِ السَائِلِیْنَ.... اور یَاسَیِّدیْ کو ستر بار دہرایا۔ یہ دعا ساتویں ستون کے اعمال میں ذکر ہوچکی ہے۔ جب آپ نے سر سجدے سے اٹھایا تو میں نے غور سے دیکھا تو معلوم ہوا کہ آپ امام زین العابدین علیہ السلام ہیں۔ ان کی خدمت میں حاضر ہوا، دست بوسی کی اور عرض گزار ہوا کہ آپ یہاں کس کام کے لیے تشریف لائے ہیں؟ آپ نے فرمایا کہ اسی کام کے لیے آیا ہوں جس میں تم نے مجھے ابھی مشغول پایا تھا، یعنی مسجد کوفہ میں نماز پڑھنے آیا ہوں۔ یہ روایت اس سے پہلے زیارت ہفتم کے ذیل میں ذکر ہوئی ہے جس سے ظاہر ہوتا ہے کہ اس کے بعد ابو حمزہ ثمالی آنجناب کے ہمراہ حضرت امیر المؤمنین علیہ السلام کی زیارت کو گئے تھے۔