یہ وہی جگہ ہے جہاں خدائے تعالیٰ نے حضرت آدمؑ کو توبہ کی توفیق عنایت فرمائی تھی۔ اس مقام پر قبلہ رخ کھڑے ہو کر یہ دعا پڑھے:

پھر اس ستون کے پاس چار رکعت نماز دو دو رکعت کر کے بجا لائے، اس طرح کہ پہلی رکعت میں سورۂ حمد کے بعد سورۂ قدر اور دوسری رکعت میں سورۂ حمد کے بعد سورۂ اخلاص پڑھے، اور دوسری دو رکعت بھی اسی طرح بجالائے۔ اس کے بعد تسبیح حضرت فاطمہ زہراء سلام اللہ علیہا کا ورد کرے اور اس کے بعد اس دعا کو پڑھے:

پھر سجدہ میں جائے اور اسی حالت میں کہے:

پھر ستر مرتبہ کہے:

اس کے بعد سجدے سے سر اٹھائے اور کہے:

مؤلف کہتے ہیں: صاحب مزار قدیم فرماتے ہیں کہ اس موقع پر یَا كَرِیْمُ یَا كَرِیْمُ یَا كَرِیْمُ کہنے کے بعد اور سجدے میں جانے سے پہلے یہ دعا پڑھے:

یہ صحیفۂ سجادیہ کی دعاؤں میں سے ایک ہے جو باب اول میں ذکر ہو چکی ہے۔

دعائے امن

صاحب مزار قدیم فرماتے ہیں کہ اس دعا کے بعد کہے:

اس کے بعد سجدے میں جائے اور کہے: یَا مَنْ یَّقْدِرُ عَلٰی حَوَائِجِ السَّآئِلِیْنَ... تا آخر دعا جو اوپر نقل ہو چکی ہے۔

جاننا چاہئے کہ اس مقام کی فضیلت میں بہت سی احادیث وارد ہوئی ہیں۔ شیخ کلینیؒ نے معتبر سند کے ساتھ روایت کی ہے کہ امیر المؤمنین علیہ السلام اسی ستون کے قریب نماز پڑھتے تھے، جبکہ اس ستون اور آپ کے درمیان اتنا کم فاصلہ ہوتا کہ جس میں سے بمشکل بکری گذر سکتی تھی۔ دوسری معتبر روایتوں میں آیا ہے کہ ہر رات ساٹھ ہزار فرشتے آسمان سے آتے ہیں اور ساتویں ستون کے نزدیک نماز ادا کرتے ہیں اور اس سے اگلی رات اتنی ہی تعداد میں اور فرشتے آتے ہیں، اس طرح جو فرشتے یہاں ایک بار آ چکے ہوں وہ قیامت تک دوبارہ اس جگہ نہیں آئیں گے۔ ایک معتبر روایت میں امام جعفر صادق علیہ السلام سے نقل ہوا ہے کہ ساتواں ستون حضرت ابراہیم علیہ السلام کا مقام ہے۔ نیز شیخ کلینیؒ نے کافی میں صحیح سند کے ساتھ ابی اسماعیل سراج سے روایت کی ہے کہ اس نے کہا میرا ہاتھ معاویہ بن وہب نے پکڑا، اس نے کہا میرا ہاتھ ابو حمزہ ثمالی نے پکڑا اور اس نے کہا میرا ہاتھ اصبغ بن نباتہ نے پکڑا اور مجھے ساتواں ستون دکھلایا اور کہا کہ یہ ستون حضرت امیر المؤمنین علیہ السلام کا مقام ہے کہ اس کے قریب آپ نماز پڑھا کرتے تھے۔ نیز حضرت امام حسن علیہ السلام پانچویں ستون کے نزدیک نماز پڑھتے تھے، جب حضرت امیر المؤمنین علیہ السلام موجود نہ ہوتے تھے اس وقت حضرت امام حسن علیہ السلام وہاں نماز پڑھا کرتے تھے۔ اس جگہ کا نام باب کندہ ہے۔ مختصر یہ کہ اس کی فضیلت میں بہت سی روایات ہیں اور ہم نے ان میں سے چند ایک کے ذکر پر ہی اکتفا کیا ہے۔