مسجد کوفہ کے بعد وہاں کوئی مسجد فضیلت میں مسجد سہلہ سے بڑھ کر نہیں ہے ﴿مسجد سہلہ اب کوفہ سے کچھ فاصلے پر موجود ہے﴾۔ دراصل یہ حضرت ادریس علیہ السلام اور حضرت ابراہیم علیہ السلام کا گھر، حضرت خضر علیہ السلام کی آمد کا مقام اور ان کی جائے سکونت ہے۔

امام جعفر صادق علیہ السلام سے منقول ہے کہ آپ نے ابو بصیر سے فرمایا: اے ابو محمد، گویا میں یہ دیکھتا ہوں کہ امام صاحب الزمانؑ اپنے اہل وعیال سمیت مسجد سہلہ میں اتر تے ہیں اور یہ ان کا مسکن ہے۔ خدا نے کوئی پیغمبر نہیں بھیجا جس نے مسجد سہلہ میں نماز نہ پڑھی ہو۔ جو شخص اس مسجد میں ٹھہرے وہ ایسے ہے جیسے اس نے رسول اکرمؐ کے خیمے میں قیام کیا ہو۔ ہر مومن مرد اور مومنہ عورت کا دل اس مسجد کی طرف مائل ہے۔ اس مسجد میں ایک پتھر ہے کہ جس پر ہر پیغمبر کی صورت نقش ہے۔ پس جو شخص بھی خالص نیت کے ساتھ اس مسجد میں نماز ادا کرے اور دعا مانگے تو مسجد سے باہر نکلنے سے پہلے اس کی حاجت پوری ہو جاتی ہے۔ جو شخص اس مسجد میں امان طلب کرے تو اسے ہر خوف سے امان مل جاتی ہے۔ ابو بصیر کہتے ہیں کہ میں نے حضرت کی خدمت میں عرض کیا کہ کیا اس مسجد کی فضیلت یہی ہے؟ آپ نے فرمایا اس کی فضیلت بہت زیادہ ہے اس سے جو میں نے تمہیں بتائی ہے۔ ہاں تو یہ وہ مقام ہے جسے خدا تعالیٰ پسند فرماتا ہے اور وہ چاہتا ہے کہ اسے اس مسجد میں یاد کیا جائے اور اس سے سوال کیا جائے۔ چنانچہ کوئی رات دن نہیں گزرتا سوائے اس کے کہ ملائکہ اس مسجد کی زیارت کو آتے ہیں اور یہاں خدا کی عبادت کرتے ہیں۔ آپ نے یہ بھی فرمایا کہ اے ابو محمد! اگر تمہاری طرح میں بھی اس مسجد کے نزدیک رہنے والا ہوتا تو یہیں تمام نمازیں پڑھا کرتا۔ پھر فرمایا کہ اے ابو محمد! میں نے اس مسجد کے جو خصائص نہیں بتائے وہ ان سے زیادہ ہیں جو تمہیں بتائے ہیں۔ میں نے عرض کیا کہ آپ پر قربان ہو جاؤں! کیا قائم آل محمدؐ ہمیشہ اس مسجد میں ہوں گے؟ تو آپ نے فرمایا، ہاں!

مسجد سہلہ کے اعمال

مغربین اور سونے کے درمیانی وقت میں دو رکعت نماز مسجد سہلہ میں بجا لانا مستحب ہے۔ امام جعفر صادقؑ سے روایت ہے کہ جو شخص یہ نماز پڑھے اور پھر دعا کرے تو اللہ تعالیٰ اس کا غم دور کر دے گا۔ بعض کتب زیارت سے معلوم ہوتا ہے کہ جب مسجد سہلہ میں داخل ہونے لگے تو دروازے پر کھڑے ہو کر کہے:

اس کے بعد آیۃ الکرسی، سورۂ فلق، اور سورۂ ناس کی قرائت کرے اور پھر سات مرتبہ کہے

سات مرتبہ

سات مرتبہ

سات مرتبہ

پھر کہے:

سید بن طاؤسؒ نے فرمایا ہے کہ جب مسجد سہلہ جانے کا ارادہ ہو تو بدھ کی رات مغرب و عشا کے درمیان اس مسجد میں آئے کہ یہ وقت بقیہ اوقات سے افضل ہے۔ جب مسجد میں آئے تو پہلے نماز مغرب اور اس کے نافلہ ادا کرے۔ اور پھر کھڑے ہو کر دو رکعت نماز تحیت مسجد قربتاً الی اللہ کی نیت سے بجا لائے، اس کے بعد اپنے ہاتھوں کو آسمان کی طرف بلند کر کے یہ دعا پڑھے:

اس کے بعد سجدے میں جائے اور بہت زیادہ عاجزی و فروتنی کرے پھر جو چیز بھی چاہے خدا سے مانگے۔

اس کے بعد اس گوشے میں چلا جائے جو شمال و مغرب کی طرف ہے۔ حضرت ابراہیمؑ کا گھر اسی گوشے میں تھا اور یہیں سے آپ عمالقہ سے جنگ کرنے گئے تھے اس مقام پر دو رکعت نماز بجا لائے، بعد میں تسبیح فاطمہؑ زہراء پڑھے اور پھر کہے:

اس کے بعد مغرب و قبلہ والے گوشے کی طرف میں دو رکعت نماز بجا لائے اور پھر ہاتھوں کو اٹھا کر یہ دعا پڑھے:

پھر سجدے میں جائے اور دونوں رخساروں کو زمین پر لگائے۔

پھر اس گوشے میں جائے جو مشرق کی طرف ہے، وہاں دو رکعت نماز ادا کرے اور ہاتھوں کو پھیلا کر یہ دعا پڑھے:

مؤلف کہتے ہیں: بعض زیارات کی غیر معروف کتب سے نقل ہوا ہے کہ اس کے بعد مشرق کی طرف واقع دوسرے گوشے میں جائے، وہاں دو رکعت ادا کرے اور پھر یہ دعا پڑھے:

اس کے بعد اس مقام پر جو مسجد کے وسط میں واقع ہے دو رکعت نماز بجا لائے اور پھر یہ دعا پڑھے:

پھر اپنے دونوں رخسارے زمین پر لگائے۔

مؤلف کہتے ہیں وسط مسجد کے جس مقام کا ذکر ہوا ہے وہ آج کل مقام حضرت امام علی ابن الحسین علیہ السلام کے نام سے معروف ہے۔ مزار قدیم میں اس مقام پر دو رکعت نماز ادا کرنے اور یہ دعا پڑھنے کو کہا گیا ہے: اَللّٰھُمَّ اِنِّیْ أَسْئَلُكَ یَا مَنْ لَا تَرَاہُ الْعُیُوْنْ .... تا آخر جو [اعمالِ مسجد کوفہ میں] دکۂ امیر المؤمنین علیہ السلام (مقام نوحؑ) کے اعمال میں گزر چکی ہے۔

اس مقام کے قریب ایک حجرہ ہے اور یہ مقام امام زمانہؑ ﴿عج﴾ کے نام سے مشہور ہے، لہٰذا یہاں امام زمانہؑ ﴿عج﴾ کی زیارت پڑھنا مناسب ہے۔ بعض کتب سے معلوم ہوتا ہے کہ اس مقام پر کھڑے ہو کر حضرت کی زیارت یوں پڑھے: سَلَامُ ﷲِ الْكَاْمِلُ التَّامُ الشَّامِلُ .... تا آخر یہ وہی استغاثہ ہے جو باب اول کی ساتویں فصل میں گزر چکا ہے ہم نے اسے کلم طیب سے نقل کیا ہے اب اس کا تکرار نہیں کرنا چاہتے۔ سید ابن طاؤس نے دو رکعت نماز کے بعد اسے سرداب میں پڑھی جانے والی زیارتوں میں شمار کیا ہے۔

استغاثہ بحضور صاحب الزمانؑ