عظیم اور دائمی رحمتوں والے خدا کے نام سے

میرے معبود تیری درگاہ تک تیرے کرم اور مہربانیوں کے علاوہ میرا کوئی وسیلہ نہیں

اور تجھ تک پہنچنے کا میرا کوئی ذریعہ نہیں مگر تیری رحمت اور احسان

اور تیرے نبیٔ رحمتؐ کی شفاعت جو امت کو گمراہی سے نکالنے والے ہیں

ان دونوں کو میرے لیے اپنی بخشش کے حصول کا ذریعہ بنا

اور انہی دونوں کو میرے لیے اپنی رضا تک پہنچنے کا وسیلہ قرار دے

میری امیدیں تیری بارگاہ کرم سے وابستہ ہیں

اور میری خواہش مجھے تیرے آستان سخاوت پر لائی ہے

پس میری امید پوری فرما میرے عمل کا انجام بخیر کر

مجھے اہل صفا میں قرار دے جن کو تو نے اپنی جنت کے بیچوں بیچ جگہ عطا کی ہے

اور انہیں اپنے کرامت والے گھر میں رکھا

تو نے یوم ملاقات اپنی درگاہ کی طرف نظر کرنے سے ان کی آنکھوں کو روشن کیا

اور انہیں اپنے قرب میں صدق کی منزلوں کا وارث بنایا

اے وہ کہ وارد ہونے والے اس سے زیادہ کریم کے ہاں وارد نہیں ہوتے

اور نہ ہی قصد کرنے والے کوئی اس سے زیادہ رحم والا پاتے ہیں

اے ان سب سے بہتر جن سے تنہائی میں ملاقات کی جائے

اور اے بہت مہربان کہ ہر دور کیا ہوا تیرے ہی وسیع دامان عفو میں پناہ حاصل کرتا ہے

میں نے اپنا ہاتھ پھیلایا اور تیرے دامن سخاوت کو اپنی ہاتھ سے تھام لیا ہے

پس مجھے ناامید نہ فرما اور مجھے رسوائی اور گھاٹے سے دوچار نہ کر

اے دعا کے سننے والے، اے سب سے زیادہ رحم کرنے والے