اے رات کو دن پر چڑھانے والے

اور دن کو رات پر لپیٹ دینے والے

اے دانا، اے حکمت والے، اے پالنے والوں کے پالنے والے

اور سرداروں کے سردار، تیرے سوا کوئی معبود نہیں

اے مجھ سے میری رگِ جان سے زیادہ قریب

اے اللہ، اے اللہ، اے اللہ

تیرے لیے ہیں اچھے اچھے نام

بلند ترین نمونے اور بڑائیاں اور مہربانیاں

سوال کرتا ہوں تجھ سے کہ محمدؐ و آل محمدؐ پر رحمت نازل فرما

اور یہ کہ آج کی رات میں میرا نام نیکوکاروں کی فہرست میں درج فرما

میری روح کو شہیدوں کے ساتھ قرار دے

میری نیکی کو مقام علیین میں پہنچا

اور میری برائی کو معاف شدہ قرار دے

اور یہ کہ مجھے وہ یقین دے جو میرے دل میں بسا رہے

اور وہ ایمان دے جو شک کو مجھ سے دور کر دے

اور مجھے اس پر راضی بنا جو حصہ تو نے مجھے دیا

اور ہمیں دنیا میں بہترین زندگی دے، آخرت میں خوش ترین اجر عطا کر

اور ہمیں جلانے والی آگ کے عذاب سے بچا

اور اس ماہ میں مجھے ہمت دے کہ اس ماہ میں تجھے یاد کروں، تیرا شکر بجا لاؤں

تیری طرف توجہ رکھوں، تیری طرف پلٹوں اور توبہ کروں

اور مجھے اس عمل کی توفیق دے جس کی توفیق تو نے محمدؐ وآل محمدؐ کو دی

کہ خدا رحمت کرے آنحضرتؐ اور ان کی آلؑ پر