اس صلوات کا راوی ابو محمد یمنی بیان کرتا ہے کہ جب امام حسن عسکری علیہ السلام اپنے آبائے طاہرین میں سے ہر ایک کیلئے صلوات تعلیم فرما چکے اور نوبت اپنی ذات تک پہنچی تو آپ خاموش ہو گئے۔ میں نے عرض کی اے فرزند رسولؐ باقی کے لیے بھی صلوات لکھوائیں۔ آپ نے فرمایا یہ صلوات دین کے نشانوں میں سے نہ ہوتی اور خدائے تعالیٰ نے اس کا حکم نہ دیا ہوتا کہ ہم یہ چیزیں لائق و موزوں افراد تک پہنچائیں تو میں خاموشی کو بہتر سمجھتا، خود اپنے لیے صلوات کا ذکر نہ کرتا۔ لیکن یہ دین کا معاملہ ہے، لہٰذا آگے یہ لکھو۔