اے معبود اپنے ولیؑ پر رحمت فرما جو تیرے ان اولیاء کے فرزند ہیں

جن کی اطاعت تو نے لازم ٹھہرائی، ان کا حق واجب کیا

آلودگی کو ان سے دور رکھا اور ان کو پاک کیا، بہت پاک

اے معبود مہدیؑ کی مدد فرما، ان کے ذریعے اپنے دین کی مدد کر

اور ان کے ہاتھوں کامیاب فرما اپنے اور ان کے دوستوں،

ان کے پیروکاروں اور ساتھیوں کو، اور ہمیں ان میں شامل کر

اے معبود امام عصرؑ کو ہر ستمگار اور سرکش کے شر سے بچائے رکھ

اور اپنی مخلوق کے شر سے بچا

ان کی نگہبانی فرما ان کے آگے سے، ان کے پیچھے سے

ان کے دائیں سے اور ان کے بائیں سے

ان کی نگہداشت کر اور محفوظ رکھ کہ انہیں کوئی تکلیف نہ پہنچے

ان کی حفاظت کے ذریعے اپنے رسولؐ اور ان کی آلؑ کی حفاظت فرما

ان کے ہاتھوں عدل کو رائج کر اور ان کو مدد دے کر قوی فرما

ان کے ساتھیوں کی مدد کر اور ان کو چھوڑ جانے والوں کو پست کر دے

ان کے ذریعے سخت دل کافروں کا زور توڑ دے

ان کے ہاتھوں تمام کافروں منافقوں اور بے دینوں کو قتل کرا دے

چاہے وہ زمین کے مشرقوں میں ہوں یا مغربوں میں اور میدانوں میں ہوں یا سمندروں میں

امامؑ کے ذریعے زمین کو عدل سے بھر دے

اور اپنے نبیؐ کے دین کو غالب فرما، کہ ان پر اور ان کی آلؑ پر سلام ہو

اور اے معبود ہمیں شامل فرما امامؑ کے مددگاروں، ہمراہیوں، ان کے پیروکاروں اور ان کے اطاعت گزاروں میں

اور مجھے آل محمدؑ کا وہ وقت دکھا جس کے وہ آرزو مند ہیں

اور ان کے دشمنوں کا وہ حال دکھا جس سے وہ ڈرتے ہیں

اے سچے معبود، ایسا ہی ہو۔