اے معبود امام علیؑ بن الحسینؑ پر درود بھیج جو عبادت گزاروں کے سردار ہیں

جن کو تو نے اپنے لیے مخصوص کیا

اور ان کی اولاد میں تو نے ائمۂ ہدایت قرار دئیے

جو حق کے ساتھ ہدایت کرتے اور عدل سے فیصلے کرتے ہیں

تو نے ان کو اپنے لیے چنا ان کو آلودگی سے پاک رکھا

ان کو پسند کیا اور ان کو ہدایت یافتہ رہبر بنایا

پس اے معبود امامؑ چہارم پر رحمت فرما وہ بہترین رحمت جو تو نے اپنے نبیوں کی اولاد میں سے کسی پر کی ہو

حتیٰ کہ ان کو اس مقام پر پہنچا جس سے ان کی آنکھیں ٹھنڈی ہوں دنیا اور آخرت میں

بے شک تو زبردست ہے حکمت والا۔