حضرت امام جعفر صادقؑ سے مروی ہے کہ سورۂ رحمٰن کی تلاوت کبھی ترک نہ کرو، کیو نکہ یہ سورہ منافقوں کے دل میں نہیں ٹھہرتا۔ یہ سورہ قیامت کے دن ایک خوبصورت شخص کی شکل میں عمدہ ترین خوشبو کے ساتھ بارگاہ الہی میں ایسی جگہ پر آ کر کھڑا ہو گا کہ خدا کے نزدیک اس سے زیادہ اور کوئی نہ ہو گا اور خدا تعالیٰ اس سورہ سے فرمائے گا کہ کون تجھے اپنی دنیاوی زندگی میں ہمیشہ پڑھا کرتا تھا؟ تو یہ عرض کرے گا کہ فلاں فلاں شخص میری تلاوت کرتا تھا، تو اسی لمحے میں پڑھنے والوں کے چہرے روشن ہو جائیں گے۔ خدا ان سے فرمائے گا کہ تم لوگ جس کی چاہو شفاعت کرو۔ اور وہ اتنی شفاعت کریں گے کہ کوئی بھی ایسا شخص باقی نہ رہے گا کہ جس کی شفاعت کا ارادہ رکھتے ہوں اور اس کی شفاعت نہ کر سکیں۔ پھر خدا ان سب کو فرمائے گا کہ تم جنت میں داخل ہو جاؤ اور جہاں چاہو اس میں رہو۔ حضرت امام جعفر صادقؑ کا فرمان ہے کہ جو شخص سورہ رحمٰن پڑھے اور جب فَبِٲَیِّ اٰلَاءِ رَبِّكُمَا تُكَذِّبَانِ پر پہنچے تو کہے:

اگر کوئی شخص رات کو یہ سورہ پڑھے اور اسی رات مر جائے تو وہ شہید قرار پائے گا اسی طرح اگر دن میں پڑھے اور مر جائے تو بھی شہیدکی موت مرے گا۔