سورہ حمد اور مخصوص آیات کی تلاوت

سورۂ حمد، آیت الکرسی اور آیت شَھِدَ اللّٰہُ، آیۃ قُلِ اللّٰھُمَّ مَالِكَ اْلمُلْكِ اور آیاتِ سخرہ یعنی سورۂ اعراف کی درج ذیل تین آیات اِنَّ رَبَّكُمُ اللہ سے مِنَ الْمُحْسِنِیْنَ کی تلاوت کریں۔

سورۂ حمد

بِسْمِ اللّٰہِ الرَّحْمٰنِ الرَّحِیْمِ (۱)

عظیم اور دائمی رحمتوں والے خدا کے نام سے (۱)

الْحَمْدُ لِلّٰهِ رَبِّ الْعَالَمِیْنَ (۲)

ساری تعریف اللہ کے لئے ہے جو عالمین کا پالنے والا ہے (۲)

الرَّحْمٰنِ الرَّحِیْمِ (۳) مَالِكِ يَوْمِ الدِّينِ (۴)

وہ عظیم اور دائمی رحمتوں والا ہے (۳) روزِ قیامت کا مالک و مختار ہے (۴)

اِيَّاكَ نَعْبُدُ وَاِيَّاكَ نَسْتَعِیْنُ (۵)

پروردگار! ہم تیری ہی عبادت کرتے ہیں اور تجھی سے مدد چاہتے ہیں (۵)

اهْدِنَا الصِّرَاطَ الْمُسْتَقِیْمَ (۶)

ہمیں سیدھے راستہ کی ہدایت فرماتا رہ (۶)

صِرَاطَ الَّذِیْنَ أَنْعَمْتَ عَلَيْهِمْ

جو اُن لوگوں کا راستہ ہے جن پر تو نے نعمتیں نازل کی ہیں

غَيْرِ الْمَغْضُوْبِ عَلَيْهِمْ وَلَا الضَّالِّينَ (۷)

ان کا راستہ نہیں جن پر غضب نازل ہوا ہے یا جو بہکے ہوئے ہیں (۷)

آیت الکرسی

اللّٰهُ لَا اِلٰهَ اِلَّا هُوَ الْحَيُّ الْقَيُّوْمُ

اللہ جس کے علاوہ کوئی خدا نہیں ہے، زندہ بھی ہے اور اسی سے کُل کائنات قائم ہے

لَا تَأْخُذُهٗ سِنَةٌ وَلَا نَوْمٌ

اسے نہ نیند آتی ہے نہ اُونگھ

لَّهٗ مَا فِي السَّمَاوَاتِ وَمَا فِي الْأَرْضِ

آسمانوں اور زمین میں جو کچھ بھی ہے سب اسی کا ہے۔

مَن ذَا الَّذِیْ يَشْفَعُ عِندَهٗ اِلَّا بِاِذْنِهٖ

کون ہے جو اس کی بارگاہ میں اس کی اجازت کے بغیر سفارش کر سکے۔

يَعْلَمُ مَا بَيْنَ أَيْدِیْهِمْ وَمَا خَلْفَهُمْ

وہ جو کچھ ان کے سامنے ہے اور جو پسِ پشت ہے سب کو جانتا ہے

وَلَا يُحِیْطُوْنَ بِشَيْءٍ مِّنْ عِلْمِهٖ اِلَّا بِمَا شَاءَ

اور یہ اس کے علم کے ایک حصّہ کا بھی احاطہ نہیں کر سکتے مگر وہ جس قدر چاہے۔

وَسِعَ كُرْسِيُّهُ السَّمَاوَاتِ وَالْأَرْضَ

اس کی کرسئ علم و اقتدار زمین و آسمان سے وسیع تر ہے

وَلَا يَئُوْدُهٗ حِفْظُهُمَا، وَهُوَ الْعَلِيُّ الْعَظِیْمُ ﴿٢٥٥﴾

اور اسے ان کے تحفظ میں کوئی تکلیف بھی نہیں ہوتی، وہ عالی مرتبہ بھی ہے اور صاحبِ عظمت بھی (۲۵۵)

لَا اِكْرَاهَ فِي الدِّينِ

دین میں کسی طرح کا جبر نہیں ہے۔

قَد تَّبَيَّنَ الرُّشْدُ مِنَ الْغَيِّ

ہدایت گمراہی سے الگ اور واضح ہوچکی ہے۔

فَمَن يَكْفُرْ بِالطَّاغُوْتِ وَيُؤْمِن بِاللّٰهِ

اب جو شخص بھی طاغوت کا انکار کر کے اللہ پر ایمان لے آئے

فَقَدِ اسْتَمْسَكَ بِالْعُرْوَةِ الْوُثْقٰى لَا انفِصَامَ لَهَا

وہ اس کی مضبوط رسّی سے متمسک ہو گیا ہے جس کے ٹوٹنے کا امکان نہیں ہے

وَاللّٰهُ سَمِیْعٌ عَلِیْمٌ ﴿٢٥٦﴾

اور خدا سمیع بھی ہے اور علیم بھی ہے (۲۵۶)

اللّٰهُ وَلِيُّ الَّذِیْنَ اٰمَنُوْا يُخْرِجُهُم مِّنَ الظُّلُمَاتِ اِلَى النُّوْرِ

اللہ صاحبانِ ایمان کا ولی ہے، وہ انہیں تاریکیوں سے نکال کر روشنی میں لے آتا ہے

وَالَّذِیْنَ كَفَرُوْا أَوْلِيَاؤُهُمُ الطَّاغُوْتُ يُخْرِجُوْنَهُم مِّنَ النُّوْرِ اِلَى الظُّلُمَاتِ

اور کفار کے ولی طاغوت ہیں جو انہیں روشنی سے نکال کر اندھیروں میں لے جاتے ہیں

أُولٰئِكَ أَصْحَابُ النَّارِ، هُمْ فِیْهَا خَالِدُوْنَ ﴿٢٥٧﴾

یہی لوگ جہنّمی ہیں اور وہاں ہمیشہ رہنے والے ہیں (۲۵۷) [سورۃ البقرہ]

آیاتِ شہادت

شَهِدَ اللّٰہُ أَنَّهٗ لَا اِلٰهَ اِلَّا هُوَ

اللہ خود گواہ ہے کہ اس کے علاوہ کوئی خدا نہیں ہے

وَالْمَلَائِكَةُ وَأُولُو الْعِلْمِ قَائِمًا بِالْقِسْطِ

ملائکہ اور صاحبانِ علم گواہ ہیں کہ وہ عدل کے ساتھ قائم ہے۔

لَا اِلٰهَ اِلَّا هُوَ الْعَزِیْزُ الْحَكِیْمُ ﴿١٨﴾

اس کے علاوہ کوئی خدا نہیں ہے اور وہ صاحبِ عزّت و حکمت ہے (۱۸)

اِنَّ الدِّينَ عِندَ اللّٰهِ الْاِسْلَامُ

دین، اللہ کے نزدیک صرف اسلام ہے

وَمَا اخْتَلَفَ الَّذِیْنَ أُوْتُوا الْكِتَابَ اِلَّا مِن بَعْدِ مَا جَاءَهُمُ الْعِلْمُ بَغْيًا بَيْنَهُمْ

اور اہل کتاب نے علم آنے کے بعد ہی جھگڑا شروع کیا ہے صرف آپس کی شرارتوں کی بنا پر

وَمَن يَكْفُرْ بِاٰيَاتِ اللّٰهِ فَاِنَّ اللَّهَ سَرِیْعُ الْحِسَابِ ﴿١٩﴾ [سورۃ اٰل عمرَان]

اور جو بھی آیاتِ الٰہی کا انکار کرے گا تو خدا بہت جلد حساب کرنے والا ہے (۱۹) [سورۂ آل عمران]

آیاتِ مُلک

قُلِ اللّٰهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ

پیغمبر آپ کہیے کہ خدایا، تو صاحبِ اقتدار ہے جس کو چاہتا ہے اقتدار دیتا ہے اور جس سے چاہتا ہے سلب کرلیتا ہے

وَتُعِزُّ مَن تَشَاءُ وَتُذِلُّ مَن تَشَاءُ

جس کو چاہتا ہے عزّت دیتا ہے اور جس کو چاہتا ہے ذلیل کرتا ہے۔

بِيَدِكَ الْخَيْرُ، اِنَّكَ عَلٰى كُلِّ شَيْءٍ قَدِیْرٌ ﴿٢٦﴾

سارا خیر تیرے ہاتھ میں ہے اور تو ہی ہر شے پر قادر ہے (۲۶)

تُوْلِجُ اللَّيْلَ فِي النَّهَارِ وَتُوْلِجُ النَّهَارَ فِي اللَّيْلِ

تو رات کو دن اور دن کو رات میں داخل کرتا ہے

وَتُخْرِجُ الْحَيَّ مِنَ الْمَيِّتِ وَتُخْرِجُ الْمَيِّتَ مِنَ الْحَيِّ

اور مردہ کو زندہ سے اور زندہ کو مردہ سے نکالتا ہے

وَتَرْزُقُ مَن تَشَاءُ بِغَيْرِ حِسَابٍ ﴿٢٧﴾ [سورۃ اٰل عمرَان]

اور جسے چاہتا ہے بے حساب رزق دیتا ہے (۲۷) [سورۂ آل عمران]

آیاتِ سخرہ

اِنَّ رَبَّكُمُ اللّٰهُ الَّذِیْ خَلَقَ السَّمَاوَاتِ وَالْأَرْضَ فِیْ سِتَّةِ أَيَّامٍ

بے شک تمہارا پروردگار وہ ہے جس نے آسمانوں اور زمین کو چھ دن میں پیدا کیا ہے

ثُمَّ اسْتَوٰى عَلَى الْعَرْشِ

اور اس کے بعد عرش پر اپنا اقتدار قائم کیا ہے

يُغْشِي اللَّيْلَ النَّهَارَ يَطْلُبُهٗ حَثِیْثًا

وہ رات کو دن پر ڈھانپ دیتا یے اور رات تیزی سے اس کے پیچھے دوڑا کرتی ہے

وَالشَّمْسَ وَالْقَمَرَ وَالنُّجُوْمَ مُسَخَّرَاتٍ بِأَمْرِهٖ

اور آفتاب و ماہتاب اور ستارے سب اسی کے حکم کے تابع ہیں

أَلَا لَهُ الْخَلْقُ وَالْأَمْرُ، تَبَارَكَ اللّٰهُ رَبُّ الْعَالَمِیْنَ ﴿٥٤﴾

اسی کے لئے خلق بھی ہے اور امر بھی، وہ نہایت ہی صاحبِ برکت اللہ ہے جو عالمین کا پالنے والا ہے (۵۴)

ادْعُوْا رَبَّكُمْ تَضَرُّعًا وَخُفْيَةً

تم اپنے رب کو گڑگڑا کر اور خاموشی کے ساتھ پکارو

اِنَّهٗ لَا يُحِبُّ الْمُعْتَدِیْنَ ﴿٥٥﴾

کہ وہ زیادتی کرنے والوں کو دوست نہیں رکھتا ہے (۵۵)

وَلَا تُفْسِدُوْا فِي الْأَرْضِ بَعْدَ اِصْلَاحِهَا

اور خبردار زمین میں اصلاح کے بعد فساد نہ پیدا کرنا

وَادْعُوْهُ خَوْفًا وَطَمَعًا

اور خدا سے ڈرتے ڈرتے اور امیدوار بن کر دعا کرو

اِنَّ رَحْمَتَ اللّٰهِ قَرِیْبٌ مِّنَ الْمُحْسِنِیْنَ ﴿٥٦﴾ [سورۃ الاعرَاف]

کہ اس کی رحمت صاحبانِ حسنِ عمل سے قریب تر ہے (۵۶) [سورۃ الاعراف]