عمل ام داؤد کہ یہی اس دن کا خاص عمل ہے جو حاجت بر آری، مصیبت کی دوری اور ظالموں کے ظلم سے بچاؤ کیلئے بہت مؤثر ہے۔ شیخ نے مصباح میں اس عمل کی کیفیت یوں لکھی ہے کہ عمل ام داؤد کرنے کیلئے 13، 14، 15 رجب کو روزہ رکھے اور 15 رجب کو زوال کے وقت غسل کرے۔ زوال کے فوراً بعد نماز ظہر و عصر بجا لائے کہ رکوع و سجود میں خوف اور عاجزی کا اظہار کرے۔ اس وقت وہ خلوت کی جگہ پر ہو، جہاں وہ کسی کام میں مشغول نہ ہو اور کوئی شخص اس سے بات بھی نہ کرے۔ جب نماز سے فارغ ہو جائے تو قبلہ رو ہو کر اس طرح عمل کرے:

سو مرتبہ سورہ الحمد، سو مرتبہ سورۂ اخلاص اور دس مرتبہ آیت الکرسی، اس کے بعد یہ سورتیں پڑھے: سورۂ انعام، سورۂ بنی اسرائیل، سورۂ کہف، سورۂ لقمان، سورۂ یٰسین، سورۂ صافات، سورۂ حٰم سجدہ، سورۂ حٰمعسق، سورۂ حٰم دخان، سورۂ فتح، سورۂ واقعہ، سورۂ ملک، سورۂ نون، سورۂ انشقاق اور اس کے بعد قرآن کی آخری سورہ تک مسلسل پڑھے۔

جب فارغ ہو جائے تو قبلہ رخ ہو کر یہ دعا پڑھے:

اس کے ساتھ ہی زمین پر سجدہ کرے اور اپنے دونوں رخسار خاک پر رکھ کر یہ کہے:

اس دوران یہ کوشش کرے کہ آنکھوں سے آنسو نکل آئیں اگرچہ وہ مکھی کے پر جتنے ہی کیوں نہ ہوں کیونکہ یہ قبولیت دعا کی نشانی ہے۔