اس کے بعد قبلہ رو ہو کر دو رکعت نماز زیارت پڑھے، پھر عم رسولؐ حضرت حمزہؑ کی قبر مبارک سے لپٹ جائے اور کہے:

مؤلف کہتے ہیں کہ جناب حمزہؑ کے اوصاف اور ان کی زیارت کی فضیلت بہت زیادہ ہے جو کہ بیان نہیں کی جا سکتی۔ فخر المحققین نے رسالۂ فخریہ میں فرمایا: حضرت حمزہؑ اور احد کے دیگر شہداء کی زیارت کرنا مستحب ہے کیونکہ حضرت رسولؐ سے روایت ہوئی ہے کہ فرمایا: جو شخص میری زیارت کرے اور میرے چچا حمزہؑ کی زیارت کو نہ جائے تو گویا اس نے مجھ پر ظلم کیا۔

نیز اس حقیر نے ”بیت الاحزان فی مصائب سیدۃ النسوان“ میں نقل کیا ہے کہ حضرت رسولؐ کے وصال کے بعد حضرت فاطمہؑ ہر ہفتے میں پیر اور جمعرات کو حضرت حمزہؑ اور دیگر شہدائے احد کی زیارت کو جاتیں، وہاں نماز پڑھتیں اور دعا مانگتیں، حتیٰ کہ اپنی وفات تک ایسا ہی کرتی رہیں۔ محمود بن لبید نے بیان کیا کہ سیدۂ جلیلہؑ حضرت حمزہؑ کی قبر کے سرہانے کھڑے ہو کر گریہ فرمایا کرتی تھیں۔ ایک روز جو میں حضرت حمزہؑ کی زیارت کو گیا تو میں نے دیکھا کہ وہ معظمہؑ حضرت حمزہؑ کی قبر پر گریہ کر رہیں ہیں۔ تب میں نے صبر سے کام لیا اور ان کا گریہ تھم گیا۔ میں ان کے قریب ہوا اور سلام عرض کرنے کے بعد کہا: اے سیدۂ نسواں! قسم بخدا آپ نے اپنے گریہ سے میرے دل کی رگیں کاٹ کر رکھ دیں! بی بی نے فرمایا اے ابو عمر! مجھے اسی طرح رونا چاہیے کہ مجھے کائنات کے بہترین باپ حضرت رسولؐ کی وفات کا رنج پہنچا ہے۔ پھر فرمایا: ہائے خدا کے رسولؐ سے ملنے کی آرزو، اور یہ کہا:

شیخ مفید نے فرمایا: حضرت رسولؐ نے اپنی حیات میں حضرت حمزہؑ کی قبر کی زیارت کا حکم دیا اور خود بھی آپ کی اور دیگر شہدائے احد کی زیارت کرتے رہے۔ آنحضرتؐ کی وفات کے بعد سیدہ فاطمہؑ حضرت حمزہؑ کی قبر پر جاتیں تھیں اور دوسرے مسلمان بھی آپ کی زیارت کرتے اور قبر پر حاضر ہوتے تھے۔