عبدالکریم ابن طاؤس نے صفوان جمال سے روایت کی ہے کہ: ہم امام جعفر صادق علیہ السلام کے ہمراہ کوفہ میں داخل ہوئے، آپ ابو جعفر دوانقی ﴿منصور عباسی﴾ کے پاس جا رہے تھے۔ آپ نے مجھ سے فرمایا کہ اے صفوان اونٹ کو بٹھا دو، میرے جد بزرگوار امیر المؤمنینؑ کا مزار یہاں سے نزدیک ہے۔ آپ اونٹ سے اتر پڑے، پھر غسل فرمایا، لباس تبدیل کیا، پابرہنہ ہو گئے اور فرمایا کہ تم بھی ایسا کرو۔ اس کے بعد آپ نجف اشرف کی سمت روانہ ہوئے اور فرمایا کہ قدم چھوٹا رکھو اور سر جھکا کے چلو کہ اللہ اس راستے میں اٹھائے تمہارے ہر قدم کے بدلے میں تمہارے لئے ایک لاکھ نیکیاں لکھے گا، تمہارے ایک لاکھ گناہ معاف فرمائے گا، ایک لاکھ درجے بلند کرے گا اور تمہاری ایک لاکھ حاجات بر لائے گا، نیز تمہارے اعمال میں ہر صدیق و شہید کا ثواب لکھے گا جو زندہ ہے یا مارا جا چکا ہے۔ پس آنجناب چل پڑے اور میں بھی آپ کے ساتھ اطمینان اور سنجیدگی کے ساتھ ذکر الٰہی کرتا ہوا چلا جا رہا تھا یہاں تک کہ ہم ٹیلوں کے قریب پہنچ گئے۔ وہاں آپ نے دائیں بائیں نگاہ فرمائی اور اپنی ہاتھ کی چھڑی سے ایک لکیر کھینچی اور مجھ سے فرمایا کہ اس جگہ کو دیکھو۔ لہٰذا میں نے جستجو کی تو مجھے نشان قبر نظر آ گیا۔ یہ دیکھ کر آپ کے آنسو جاری ہو کر چہرے پر آگئے اور آپ نے یوں کہا:

پھر فرمایا

پھر آپ قبر اطہر سے لپٹ گئے اور فرمایا:

اس کے بعدحضرت امام جعفر صادق علیہ السلام اٹھے اور قبر کے سرہانے کی طرف کھڑے ہو کر چند رکعت نماز پڑھی اور پھر فرمایا: اے صفوان ! جو شخص امیر المؤمنین علیہ السلام کی زیارت کرنے میں یہ زیارت پڑھے اس طرح نماز گزارے تو وہ اپنے اہل خانہ کے پاس اس حال میں لوٹے گا کہ اس کے گناہ بخشے جا چکے ہوں گے، اس کا یہ عمل زیارت مقبول ہو گا اور اس کے لئے وہ ثواب لکھا جائے گا جو فرشتوں میں سے حضرت کی زیارت کو آنے والے کسی فرشتے کو ملتا ہے۔ صفوان نے حیران ہو کر پوچھا آیا کوئی فرشتہ بھی حضرت امیر المؤمنینؑ کی زیارت کرنے آتا ہے؟ حضرت نے فرمایا: ہاں ہر رات ملائکہ میں سے ستر قبیلے آپ کی زیارت کو آتے ہیں۔ اس نے پوچھا ہر قبیلے میں کتنے فرشتے ہوتے ہیں؟ آپ نے فرمایا ہر قبیلے میں ایک لاکھ فرشتے ہوتے ہیں پھر آنجناب الٹے پاؤں چلتے ہوئے قبر حضرت امیر المؤمنین علیہ السلام سے واپس ہوئے، جبکہ آپ فرما رہے تھے:

صفوان کہتا ہے کہ میں نے آنجناب کی خدمت میں عرض کی کہ آیا آپ مجھے اجازت دیتے ہیں کہ میں کوفہ میں اپنے مومن بھائیوں کو اس واقعہ کی خبر دوں اور انہیں اس قبر کے نشان سے آگاہ کروں؟ آپ نے فرمایا ہاں تمہیں اجازت ہے۔ پھر آپ نے مجھے کچھ درہم عنایت کیے جن سے میں نے قبر امیر المؤمنین علیہ السلام کی مرمت کرائی۔