سید ابن طاؤس مصباح الزائر میں اس زیارت کی کیفیت نقل کرتے ہوئے کہتے ہیں کہ باب السلام یعنی روضۂ امیر المؤمنین علیہ السلام کی طرف جاتے ہوئے جب ضریح مقدس دکھائی دینے لگے تو چونتیس مرتبہ ﷲُ ٲَكْبَر کہے اور پھر پڑھے:

اب اپنے آپ کو ضریح مبارک پر گرا دے اور بوسہ دے اور کہے:

اس کے بعد ضریح مبارک کو بوسہ دے اور قبلہ رخ ہو کر کہے:

اس کے بعد جس حاجت کے لئے چاہے دعا مانگے اور حضرت کو الوداع کر کے واپس لوٹے۔

مؤلف کہتے ہیں کہ سید عبد الکریم بن طاؤس نے فرحۃ الغرٰی میں روایت کی ہے کہ امام زین العابدین علیہ السلام کوفہ میں داخل ہوئے اور مسجد میں تشریف لائے۔ وہاں ابو حمزہ ثمالی موجود تھے جن کا کوفہ کے عبادت گزاروں اور بزرگ لوگوں میں شمار ہوتا تھا۔ حضرت نے وہاں دو رکعت نماز ادا کی، ابو حمزہ کہتے ہیں کہ میں نے اس سے زیادہ پاکیزہ لہجہ کبھی نہیں سنا تھا ۔ میں ان کے نزدیک گیا تاکہ سنوں وہ کیا کہہ رہے ہیں چنانچہ میں نے سنا کہ وہ فرما رہے ہیں:

اور یہ ایک مشہور دعا ہے، مؤلف کہتے ہیں کہ یہ دعا اعمال کوفہ میں ذکر کی جائے گی۔ اور ابو حمزہ نے بیان کیا ہے کہ وہ بزرگوار ساتویں ستون کے قریب آئے، اپنے جوتے اتارے اور کھڑے ہو گئے پھر اپنے ہاتھ کانوں تک اٹھا کر ایک تکبیر کہی کہ جس کی دہشت سے میرے بدن کے تمام رونگٹے کھڑے ہو گئے۔ پھر انہوں نے چار رکعت نماز ادا کی جس میں رکوع و سجود انتہائی خلوص سے انجام دیئے اس کے بعد یہ دعا پڑھی اِلٰھِیْ اِنْ كُنْتُ قَدْ اَعْصَیْتُكَ ... الی آخر

اور سابقہ روایت کے مطابق امامؑ اٹھے اور چل دیئے۔ ابو حمزہ نے کہا کہ میں ان کے پیچھے پیچھے چل پڑا، اس طرف ہم کوفہ کے باہر اونٹ بٹھانے کی جگہ پر آ گئے۔ میں نے دیکھا وہاں ایک حبشی غلام ہے جس کے پاس ایک زخمی اونٹ اور اونٹنی ہے۔ میں نے اس سے پوچھا یہ شخص کون ہے؟ اس شخص نے کہا اَوَ یَخَفٰی عَلَیْكَ شَمَائِلُہٗ .... آیا تم نے اسے شکل و صورت سے نہیں پہچانا وہ علیؑ بن الحسینؑ ہیں۔ ابو حمزہ کہتے ہیں یہ سنتے ہی میں نے خود کو ان کے قدموں میں ڈال دیا تا کہ ان کو بوسہ دوں۔ مگر آنجناب نے مجھے ایسا نہ کرنے دیا اپنے ہاتھ سے میرا سر اٹھایا اور فرمایا ایسا مت کرو کیونکہ سوائے خدائے عزوجل کے کسی کو سجدہ کرنا جائز نہیں۔ میں نے عرض کی: اے فرزند رسول آپ یہاں کس لئے تشریف لائے ہیں؟ فرمایا وہی کام تھا جو تو نے دیکھا کہ میں نے مسجد کوفہ میں نماز ادا کی ہے۔ اگر لوگوں کو اس نماز کی فضیلت کا علم ہوتا تو وہ بچوں کی طرح گھٹنوں کے بل چل کر بھی یہاں آتے، یعنی ہر تکلیف اٹھا کر یہاں پہنچتے۔ پھر فرمایا کہ آیا تم چاہتے ہو کہ میرے ساتھ ہو کر میرے جد بزرگوار علی ابن ابی طالبؑ کی زیارت کرو، میں نے عرض کی کہ ہاں میں آپ کے ہمراہ یہ زیارت کرنا چاہتا ہوں لہذا جب آپ روانہ ہوئے اور میں آپ کے ناقہ کے سائے میں چلنے لگا آپ مجھ سے گفتگو فرماتے رہے یہاں تک کہ ہم نجف اشرف پہنچ گئے وہاں سفید روضہ تھا جو نور سے دمک رہا تھا آپ ناقہ سے اتر کر پیادہ ہو گئے اپنے دونوں رخسار اس زمین پر رکھے اور فرمایا: اے ابو حمزہ! یہ میرے جد بزرگوار علی ابن ابی طالب علیہ السلام کی قبر ہے۔ پھر ایک زیارت پڑھی ،جس کا آغاز یوں ہوتا ہے:

اس کے بعد آپ نے اس قبر اطہر کو الوداع کہا اور مدینے کی طرف روانہ ہو گئے اور میں کوفہ واپس آ گیا۔ مؤلف کہتے ہیں کہ فرحۃ الغریٰ میں سید ابن طاؤس کے اس زیارت کو نقل نہ کرنے پر مجھے افسوس ہوا۔ میں نے امیر المؤمنینؑ کے لئے منقول ایک ایک زیارت تلاش کی اور اسے دیکھا لیکن مجھے وہ زیارت نہ ملی جس کی ابتداء ان دو جملوں سے ہوتی ہو، مگر یہ زیارت شریف کہ جس کا پہلا جملہ اس کے موافق اور دوسرا اس سے مختلف ہے۔ پس ممکن ہے کہ یہ وہی زیارت ہو اور اس کا یہ اختلاف چنداں اثر نہیں رکھتا۔ اگر کوئی کہے کہ اس زیارت کا آغاز وہی: سَلَامُ ﷲِ وَسَلَامُ مَلَائِكَتِہٖ (سلام ہو خدا کا اور سلام ہو اس کے فرشتوں کا سلام ہو خدا کے اس نام پر) ہے نہ کہ: اَلسَّلَامُ عَلٰی اِسْمِ ﷲِ تو میں کہوں گا اس کا آغاز اَلسَّلَامُ عَلٰی اِسْمِ ﷲِ الرَّضِیَّ (سلام ہو خدا کے اس نام پر جو اس کا پسندیدہ ہے) سے ہے اور دیگر سلام اجازتِ داخلہ اور طلبِ رخصت کیلئے ہیں۔ اور اس کی دلیل امیر المؤمنین علیہ السلام کے روز ولادت کی زیارت ہے جو ہماری زیر بحث زیارت سے بہت حد تک مشابہت رکھتی ہے، جو اس کی طرف رجوع کرے اسے معلوم ہو جائے گا۔ نیز معلوم ہونا چاہیے کہ زیارت ششم اور زیارت روز ولادت میں یہ دو جملے بجز لفظ نُوْر کے شامل ہیں لیکن وہ زیارت کے آغاز میں نہیں آئے ہیں، واللہ اعلم۔

مختصر یہ کہ زیارات مطلقہ میں سے یہ سات زیارتیں ہی ہمارے لئے کافی ہیں جو ہم نے نقل کر دی ہیں اور اگر کوئی اس سے زیادہ کا خواہش مند ہو تو وہ زیارت جامعہ پڑھے یہ زیارت مبسوطہ ہے کہ جو اس کے بعد ہم روز غدیر کے لئے نقل کریں گے، کیونکہ اس زیارت کے ہر جگہ اور ہر وقت پڑھنے کی روایت ہوئی ہے۔ یاد رہے کہ اس زیارت اور نماز کو امیر المؤمنین علیہ السلام کے حرم مطہر میں پڑھنے کو غنیمت شمار کرے ان بزرگوار اور دیگر آئمہ کے قرب میں ایک نماز دو لاکھ نمازوں کے برابر ہے۔

امام جعفر صادق علیہ السلام سے منقول ہے کہ جو شخص واجب الاطاعت امام کی زیارت کرے اور وہاں چار رکعت نماز پڑھے تو اس کیلئے حج و عمرہ کا ثواب لکھا جائے گا۔ نیز ہم نے ہدیۃ الزائرین میں قبر امیر المؤمنین علیہ السلام کی مجاورت کی فضیلت نقل کی ہے، لیکن شرط یہ ہے کہ امیر المؤمنین علیہ السلام کے قرب کا حق ملحوظ رکھا جائے جو کہ کافی مشکل ہے اور ہر شخص کے بس کی بات نہیں ہے اور نہ اس مقام پر اس کا ذکر کیا جانا ضروری ہے۔ پس خواہش مند اہل ایمان کتاب کلمۂ طیبہ کی طرف رجوع فرمائیں۔