واضح رہے کہ حضرت امام حسینؑ کی جو زیارات نقل ہوئی ہیں ان کی دو قسمیں ہیں۔ ان میں سے پہلی قسم وہ ہیں جن کے پڑھنے کا کوئی خاص وقت مقرر نہیں ہے، انسان انہیں جس وقت چاہے پڑھ سکتا ہے۔ ان کو زیارات مطلقہ کہا جاتا ہے۔ دوسری قسم وہ زیارات ہیں جن کے پڑھنے کا مخصوص دن اور وقت مقرر ہے ان کو زیارات مخصوصہ کا نام دیا گیا ہے۔ان زیارتوں کا تذکرہ تین مطالب کے ضمن میں آرہا ہے۔

امام حسینؑ کی بہت سی زیارات مطلقہ منقول ہیں ہم چند ایک کے تذکرے پر اکتفا کریں گے۔

شیخ کلینیؒ نے کافی میں حسین بن ثویر سے روایت کی ہے کہ وہ کہہ رہے تھے میں یونس بن ظبیان، مفضل بن عمر اور ابو سلمہ سراج امام جعفر صادقؑ کی خدمت میں حاضر تھے۔ یونس بن ظبیان اور میرے درمیان گفتگو ہو رہی تھی جو عمر میں ہم سے بڑے تھے۔ انہوں نے امام کی خدمت میں گزارش کی کہ آپ پر قربان جاؤں! کبھی کبھار میں بنی عباس کی مجلس میں جا بیٹھتا ہوں، لہذا اس وقت مجھ کو کیا پڑھنا چاہیے؟ آپ نے فرمایا کہ جب تم ان کے ہاں جاؤ اور وہاں ہمیں یاد کرو تو یہ پڑھو:

تاکہ جو ثواب تم چاہتے ہو وہ ہماری رجعت میں حاصل کر لو۔ اس نے کہا میں آپ پر فدا ہو جاؤں! میں امام حسینؑ کو بہت یاد کرتا ہوں، اس وقت مجھے کیا پڑھنا چاہیے؟ آپ نے فرمایا کہ اس وقت یہ پڑھا کرو:

کیونکہ امامؑ پر دور و نزدیک سے سلام پہنچ جاتا ہے۔ پھر ارشاد فرمایا کہ جس زمانے میں امام حسینؑ کو شہید کیا گیا تو آپ پر سات آسمانوں، سات زمینوں اور ہر اس شے نے گریہ کیا جو ان میں ہے اور جو ان کے درمیان ہے، نیز جو چیزیں جنت میں اور جو جہنم میں خلق کی گئی ہیں، حتیٰ کہ جو چیزیں دیکھی جا سکتی ہیں اور جو چیزیں نہیں دیکھی جا سکتیں، سب نے آپ پر گریہ و بکا کی، سوائے تین چیزوں کے جنہوں نے آپ پر گریہ نہیں کیا۔ میں نے عرض کی آپ پر قربان ہو جاؤں! وہ کون سی تین چیزیں ہیں؟ آپ نے فرمایا کہ وہ بصرہ، دمشق اور آل عثمان ہیں۔ اس کے ساتھ ہی میں نے عرض کیا میں آپ پر قربان جاؤں! میں امام حسینؑ کی زیارت کو جانا چاہتا ہوں تو وہاں جا کر کیا کروں اور کیا پڑھوں؟ آپ نے فرمایا کہ جب آنجنابؑ کی زیارت کو جاؤ تو پہلے دریائے فرات پر غسل کرو، پاکیزہ لباس پہنو اور حرم پاک کی طرف ننگے پاؤں چلو کہ تم خدا اور اس کے رسولؐ کے حرموں میں سے ایک حرم کی طرف جا رہے ہو، حرم کی جانب جاتے ہوئے بار بار یہ پڑھتے ہوئے چلو:

اس کے علاوہ ہر وہ ذکر دہراؤ جس میں خدائے تعالیٰ کی بزرگی اور بڑائی کا بیان ہو، نیز محمدؐ وآل محمدؑ پر درود بھیجتے جاؤ، یہاں تک کہ حرم حسینی کے دروازے پر پہنچ جاؤ۔ پس اس وقت یہ کہو:

اس کے بعد دس قدم چل کر رک جاؤ اور تیس بار یہ کہو:

پھر قبر مبارک کی طرف جاؤ، قبلہ کو اپنے دونوں کندھوں کے درمیان قرار دو یعنی پشت قبلہ کھڑے ہو جاؤ اور اپنا چہرہ قبر مبارک کی طرف کر کے پڑھو:

پھر تین مرتبہ کہے:

تین مرتبہ یہ کہے:

اس کے بعد امام حسینؑ کے فرزند جناب علی اکبرؑ کی قبر شریف کی طرف جائے جو آپ کے پاؤں کی جانب ہے ، وہاں کھڑے ہو کر یہ زیارت پڑھے:

اس فقرے کو بھی تین مرتبہ دہرائے اور پھر تین مرتبہ کہے:

اس کے بعد گنج شہیداں میں شہدا کی طرف اشارہ کر کے ان کی زیارات اس طرح پڑھے:

پھر امام حسینؑ کی ضریح مبارک پر آئے اور اس کی پشت کی طرف کھڑے ہو کر چھ رکعت نماز زیارت ادا کرے، یعنی دو رکعت نماز زیارت امام حسینؑ، دو رکعت نماز زیارت جناب علی اکبرؑ اور دو رکعت نماز زیارت شہداء رضوان اللہ علیہم کیلئے ادا کرے۔ پس یہ نماز ادا کرنے سے زیارت کے اعمال مکمل ہو جائیں گے، اس کے بعد چاہے واپس چلا جائے اور چاہے تو وہاں چند روز مزید قیام کرے۔

مؤلف کہتے ہیں شیخ طوسیؒ نے تہذیب الاحکام میں اور شیخ صدوقؒ نے من لا یحضرہ الفقیہ میں یہ زیارت نقل کی ہے۔ شیخ صدوقؒ نے ارشاد فرمایا ہے کہ میں نے مقتل اور مزار کی کتاب میں کئی ایک زیارتیں نقل کی ہیں، لیکن یہاں یہ زیارت اس لیے درج کی ہے کہ یہ سند کے اعتبار سے دیگر زیارتوں کی نسبت زیادہ معتبر ہے اور میں اسے کافی سمجھتا ہوں۔