شیخ صدوقؒ نے فقیہ میں روایت کی ہے کہ جب حضرتؑ کی زیارت کرنا چاہے تو غسل کرے، پاکیزہ لباس پہنے اور یہ زیارت پڑھے:

اس کے بعد اپنی حاجات طلب کرے اور پھر چار رکعت نماز یعنی دو رکعت امام محمد تقیؑ کیلئے اور دو رکعت امام موسیٰ کاظمؑ کیلئے اس گنبد کے نیچے پڑھے جس میں امام محمد تقیؑ کی قبر شریف ہے۔ یاد رہے کہ امام موسیٰ کاظمؑ کے سرہانے کی طرف ہو کر نماز نہ پڑھے کیونکہ ادھر بعض قریش کی قبریں ہیں کہ جن کو قبلہ بنانا درست نہیں ہے۔

مؤلف کہتے ہیں: شیخ صدوقؒ کے کلام سے معلوم ہوتا ہے کہ ان کے دور میں امام موسیٰ کاظمؑ کی قبر مبارک امام محمد تقیؑ کی قبر شریف سے علیحدہ بنی ہوئی تھی اور اس کا قبہ الگ تھا اور ان کے دروازے بھی جدا جدا تھے اور زائرین امام موسی کاظمؑ کی قبر اطہر کی زیارت کے بعدباہر تشریف لاتے اور امام محمد تقیؑ کی زیارت گاہ کی طرف جاتے تھے۔ اس وقت وہ جداگانہ مزار مبارک تھی لیکن آج کل ان دونوں ائمہؑ کی قبریں ایک ہی قبہ میں ہیں۔