یہ وہ وداع ہے جس کے ذریعے ہر امامؑ سے وداع کیا جا سکتا ہے۔ معلوم ہو کہ آداب زیارت جو اپنی جگہ پر ذکر ہو چکے ہیں ان میں یہ بھی ہے کہ جب کسی بھی امامؑ کی زیارت کے بعد اپنے وطن واپس جانا چاہے تو ان کا وداع پڑھے جیسا کہ ہم نے بھی ہر امامؑ کی زیارت کے ساتھ ہی ان کا وداع بھی تحریر کیا ہے، اور امام حسینؑ کے وداع کے سلسلے میں اس وداع پر اکتفاء کیا ہے جو اعمال حرم امام حسینؑ میں گزر چکا ہے۔ یہاں ہم اس وداع کو نقل کرتے ہیں جسے شیخ محمد بن المشہدیؒ نے اپنی کتاب مزار کبیر میں باب وداع کے ذیل میں لکھا ہے جب کہ سید بن طاؤسؒ نے اسے سابقہ زیارت جامعہ کے بعد نقل فرمایا ہے اور ہم اسے مصباح الزائر سے نقل کر رہے ہیں۔

پس جب کوئی زائر کسی بھی امامؑ کے شہر سے واپس ہونا چاہے تو اس وقت مزار پر حاضر ہو کر یہ دعا پڑھے: