جب پیغمبر اکرمؐ اور معصومینؑ سے منقول روایات میں غور فکر کی جائے تو پھر زیارت کی اہمیت و فضیلت بھی واضح ہو جاتی ہے اور اس بحث کی بھی ضرورت محسوس ہوتی ہے آیا انبیا، آئمہ اور اولیائے خدا کی مزارات کی زیارت کرنا ان کی بار گاہ میں سلام عرض کرنا اور انہیں ان کی وفات اور شہادت کے بعد بارگاہ الٰہی میں وسیلہ اور شفیع قرار دینا جائز ہے یا نہ چونکہ یہ حضرات قرآن مجید کی اس آیہ مجیدہ کے مصداق اعلیٰ و اکمل ہیں جس میں ارشاد ہوتا ہے:

مذکورہ آیت و روایات سے واضح ہو جاتا ہے کہ پیغمبر اکرمؐ ، وآئمہ معصومینؑ جس طرح اپنی حیات و زندگی میں خالق اور مخلوق کے درمیان رابط اور وسیلہ ہیں اس طرح اپنی شہادت اور وفات کے بعد بھی ہمارا سلام ہماری زیارت ہماری دعائیں سنتے ہیں اور بار گاہ خدا میں ہماری شفاعت فرماتے ہیں۔

خدا فرماتا ہے:

پیغمبرؐ اور اہل بیتؑ سے افضل اور برتر پیش خدا کون سا وسیلہ ہے۔

حضرت علیؑ فرماتے ہیں ہم خدا اور مخلوق کے درمیان وسیلہ ہیں۔

حضرت فاطمہ زہراؑ فرماتی ہیں ہم (اہل بیتؑ پیغمبر) خلق و خالق کے درمیان رابط ہیں۔

نہ فقط بزرگ ہستیوں کو وسیلہ قرار دیا جا سکتا ہے بلکہ بعض مقدس و مبارک اوقات اور مقامات کو بھی وسیلہ قرار دیا گیا ہے

حضرت امام سجادؑ خدا کو ماہ مبارک رمضان کا واسطہ دیتے ہیں۔ (صحیفہ سجادیہ دعا ۴۴)

امام حسینؑ خدا کو شب روز عرفہ کی قسم دیتے ہیں۔

قرآن مجید کی اس آیت کے مطابق:

امام ہادیؑ جب بیمار ہوتے ہیں تو ایک شخص کو کربلا روانہ کرتے ہیں کہ جا کر قبر مطہر امام حسینؑ پر میرے لئے دعا کرو۔

جب اس شخص نے تعجب سے سوال کیا مولا آپ معصوم ہیں میں غیر معصوم ہوں آپ کیلئے جا کر میں دعا کروں امام نے جواب دیا رسول اکرمؐ خانہ کعبہ اور حجر الاسود سے افضل تھے لیکن خانہ کعبہ کا طواف کرتے اور حجر اسود کو بوسہ دیتے تھے۔ خدا نے کچھ ایسے مقامات قرار دیے ہیں جہاں خدا چاہتا ہے کہ وہاں جا کر دعا مانگی جائے اور میں دعا قبول کروں گا خانہ کعبہ اور حرم امام حسینؑ بھی انہیں مقامات مقدسہ میں سے ہیں۔

اگر ہم ضریح یا ضریح مطہر کے دروازوں کو بوسہ دیتے ہیں اور چومتے ہیں تو فقط و فقط پیغمبر یا اس معصوم کے احترام کی وجہ سے کیوں کہ اب یہ ضریح و بارگاہ اور یہ در و دیوار اسی معصوم کی وجہ سے مقدس اور با برکت ہو گئے ہیں جس طرح قرآن مجید کی جلد یا کاغذ قرآن کی وجہ سے مقدس ہو گئے ہیں چو نکہ اگر یہی کاغذ اور جلد کسی اور کاپی یاکتاب پر ہوں تو مقدس نہیں ہے۔

اولیاء خدا پر سلام و درود: خدا نے اپنی کتاب مقدس قرآن مجید میں اپنے انبیاء اور اولیاء پر دروود بھیجتا ہے۔

ہم بھی قرآن مجید کی پیروی کرتے ہوئے رسول اکرمؐ و آئمہؑ کی زیارت کرتے ہیں اور ان پر سلام و درود بھیجتے ہیں۔