شیخ نے مصباح میں اور سید نے جمال الاسبوع میں اعمال جمعہ کے ضمن میں فرمایا ہے کہ روز جمعہ زیارت حضرت رسولؐ اور زیارت ائمہ کا پڑھنا مستحب ہے۔ امام جعفر صادقؑ سے روایت کی گئی ہے کہ آپ نے فرمایا: جو شخص اپنے شہر میں ہو اور وہ روضۂ رسول، جناب امیر المؤمیننؑ، سیدہ فاطمہؑ زہراء، حضرات حسنینؑ اور دیگر ائمہ کے مزارات کی زیارت کرنا چاہتا ہو تو وہ روز جمعہ غسل کرے اور پاکیزہ لباس پہنے اور شہر کے باہر صحراء اور میدان میں جائے، اور ایک دوسری روایت کے مطابق اپنے مکان کی چھت پر جا کر چار رکعت نماز پڑھے، اس میں جو سورہ بھی یاد ہو اس کی قرأت کرے اور تشہد و سلام کے بعد اٹھ کھڑا ہو اور قبلہ رخ کھڑے ہو کرپڑھے:

مؤلف کہتے ہیں: بہت سی روایات میں وارد ہوا ہے کہ رسولؐ اللہ پر جس مقام سے بھی درود و سلام بھیجا جائے وہ ان تک پہنچ جاتا ہے۔ ایک اور روایت میں آیا ہے کہ ایک فرشتہ اس پر متعین ہے کہ جو مومن یہ کہے کہ:

تو وہ فرشتہ جواب میں کہتا ہے:

پھر وہ رسول اللہ کی خدمت میں عرض کرتا ہے کہ یا رسولؐ اللہ! فلاں شخص نے آپ پر سلام بھیجا ہے، تب آنحضرتؐ یوں ارشاد فرماتے ہیں:

ایک معتبر روایت میں مذکور ہے کہ آنحضرتؐ نے فرمایا: جس نے میرے وصال کے بعد میری قبر کی زیارت کی تو وہ اس شخص کی مانند ہے جو میری حیات ظاہری میں میرے پاس آیا ہو۔ پس جب تم لوگ میری قبر پر حاضر نہ ہو سکو تو جہاں سے مجھ پر درود و سلام بھیجو گے وہ مجھ تک پہنچ جائے گا۔ اس مضمون کی بہت سی روایات ہیں جو ہم نے باب اول ایام ہفتہ میں ائمہ معصومین کی زیارات اور ہفتہ کے دن حضرت رسولؑ کی دو زیارتوں کے ہمراہ نقل کی ہیں جو ان روایتوں کو دیکھنا چاہے وہ باب اول کی چوتھی فصل میں دیکھے اور ان سے فیض حاصل کرے۔