جاننا چاہئیے کہ پندرہ شعبان کو امام حسینؑ کی زیارت کرنے کی فضلیت میں بہت سی احادیث وارد ہوئی ہیں۔ اس بارے میں بس اتنا ہی کافی ہے کہ بہت سی قابل اعتبار اسناد کے ساتھ امام زین العابدینؑ اور امام جعفر صادقؑ سے نقل ہوا ہے کہ جو شخص یہ چاہے کہ ایک لاکھ چوبیس ہزار پیغمبر اس سے مصافحہ کریں تو پندرہ شعبان کو ابی عبدا للہ الحسینؑ کی زیارت کرے، کیونکہ اس دن فرشتے اور ارواحِ انبیا خدا سے اجازت لے کر حضرتؑ کی زیارت کے لیے آتے ہیں۔ پس نیک بخت ہے وہ شخص جو ان سے مصافحہ کرے اور وہ اس سے مصافحہ کریں، جب کہ ان میں پانچ اولو العزم پیغمبر یعنی حضرت نوحؑ، حضرت ابراہیمؑ، حضرت موسٰیؑ، حضرت عیسٰیؑ اور حضرت محمدؐ شامل ہیں۔ راوی کا بیان ہے کہ میں نے پوچھا کیوں ان کو اولو العزم کہا جاتا ہے؟ آپ نے فرمایا اس کی وجہ یہ ہے کہ ان کو مشرق و مغرب اور جن و انس کے لیے بھیجا گیا ہے۔

اس زیارت کے الفاظ دو طریقوں سے نقل ہوئے ہیں چنانچہ ایک متن وہ ہے جو یکم رجب کیلئے نقل ہو چکا ہے، اور دوسرا متن وہ ہے جس کو شیخ کفعمیؒ نے کتاب بلد الامین میں امام جعفر صادقؑ سے روایت کیا ہے کہ امام حسینؑ کی ضریح پاک کے نزدیک کھڑے ہو کر یوں کہے: