شیخ نے مصباح میں صفوان جمال ﴿ساربان﴾ سے روایت کی ہے کہ وہ کہتے ہیں: میں نے امام جعفر صادقؑ سے امام حسینؑ کی زیارت کیلئے اجازت مانگی اور یہ خواہش بھی کی آپ مجھے زیارت کے آداب اور طریقے تعلیم فرمائیں۔ تب آپ نے فرمایا کہ اے صفوان، زیارت کو جانے سے تین دن پہلے روزہ رکھو اور جب تیسرا روزہ رکھو تو اس دن غسل کرو اور اپنے اہل و عیال کو اکھٹا کر کے یہ دعا پڑھو:

مکمل دعا آدابِ زیارت میں ملاحظہ کریں

اور جب دریائے فرات کے کنارے پہنچو تو وہاں غسل کرو، کیونکہ میرے پدر گرامی نے اپنے والد ماجد سے اور انہوں نے حضرت رسولؐ سے خبر دی ہے کہ آنحضرتؐ نے فرمایا: میرا بیٹا حسینؑ میرے بعد فرات کے کنارے شہید کیا جائے گا۔ پس جو شخص ان کی زیارت کو جائے اور فرات میں غسل کرے تو اس کے گناہ اس طرح دھل جائیں گے جیسا کہ وہ اپنی ماں کے پیٹ سے پیدا ہوا تھا۔

جب وہ دریائے فرات پر غسل کرے تواس دوران یہ دعا پڑھے:

جب غسل کر چکے تو پاکیزہ لباس پہنے اور اس گھاٹ کے قریب دو رکعت نماز بجا لائے کہ یہ وہی زمین ہے جس کی شان خدا نے بیان کی ہے: اور زمین کے کئی حصے آپس میں ملے ہوئے ہوتے ہیں۔ انگور کے باغ، کھیتی اور کھجور کے درخت کہ بعض کی ایک جڑ دو شاخیں اور بعض کی ایک شاخ، جبکہ وہ سب ایک ہی پانی سے سیراب کیے جاتے ہیں، اور میوؤں میں سے بعض کو بعض پر ہم فوقیت دیتے ہیں [سورۃ النحل، آیہ 4]۔

جب نماز پڑھ لے تو امام حسینؑ کے حرم مبارک کی طرف آہستہ آہستہ چل کر جائے، کیونکہ خدا تعالیٰ ایک ایک قدم کے بدلے میں حج و عمرہ کا ثواب عطا کرے گا۔ چلتے ہوئے نہایت عاجز و انکساری کے ساتھ ذکر خدا اور گریہ و زاری کرتا جائے اور بہ کثرت یہ کہے:

نیز خدائے تعالیٰ کی حمد و ثنا کرتا جائے رسول اللہؐ اور امام حسینؑ پر درود وسلام پڑھتا ہوا چلے امام حسینؑ کے قاتلوں پر لعنت بھیجے اور ان پر بیزاری ظاہر کرے جنہوں نے محمدؐ و آل محمدؐ پر ظلم کی ابتداء کی جب حرم شریف کے دروازے پر پہنچے تو یہ کلمات کہے:

پھر کہے:

پھر کہے:

اس مرحلے پر اگر زائر کے دل میں سوز اور آنکھوں میں آنسو آ جائیں تو اس کو داخل ہونے کی اجازت تصور کرے اور حرم شریف کے اندر داخل ہو جائے۔ داخل ہوتے ہوئے یہ کلمات کہے:

پھر قبر پاک کے قریب جائے اور سرہانے کھڑے ہو کر کہے:

اس کے بعد اپنے آپ کو قبر سے لپٹائے اس پر بوسہ دے اور کہے:

اب دو رکعت نماز زیارت قبر مبارک کے سرہانے کی طرف ادا کرے کہ اس میں حمد کے ساتھ جو سورہ چاہے پڑھے اور نماز کے بعد یہ دعا پڑھے:

اس کے بعد امام حسینؑ کی پائنتی کی طرف جائے اور جناب علی اکبرؑ کی زیارت ان کی قبر کے نزدیک کھڑے ہو کر اس طرح پڑھے:

پھر اپنے آپ کو قبر سے لپٹائے، بوسہ دے اور کہے:

اب حضرت علی اکبرؑ کے قریب گنج شہیداں کی طرف رخ کرے کہ جہاں کربلا کے دیگر شہداء دفن ہیں پس ان سب کی زیارت اس طرح پڑھے:

اس کے بعد امام حسینؑ کے سرہانے کی طرف آ جائے اور وہاں اپنے فرزندوں، اپنے ماں باپ اور بہن بھائیوں کے لیے بہت زیادہ دعائیں مانگے کیونکہ امام حسینؑ کے روضۂ مبارک پر دعا کرنے والے کی دعا اور سوال کرنے والے کا سوال رد نہیں کیا جاتا۔