اس میں چند اعمال ہیں:

﴿۱﴾ آب جاری میں غسل کرنا اور تیس چلو پانی سر میں ڈالنا کہ یہ سال بھر تک تمام دردوں اور بیماریوں سے محفوظ رہنے کا موجب ہے۔

﴿۲﴾ ایک چلو عرق گلاب اپنے چہرے پر ڈالے تاکہ ذلت وپریشانی سے نجات ہو اور تھوڑا سا عرق گلاب سرمیں ڈالے کہ سال بھر سرسام سے بچا رہے۔

﴿۳﴾ اول ماہ کی دو رکعت نماز پڑھے اور صدقہ دے۔

نمازِ اولِ ماہ

﴿۴﴾ دو رکعت نماز پڑھے جس کی پہلی رکعت میں سورۂ حمدکے بعد سورۂ انا فتحنا اور دوسری رکعت میں سورۂ حمد کے بعد کوئی سورہ پڑھے تاکہ خدائے تعالیٰ اس سال تمام برائیوں کو اس سے دور رکھے اور آخر سال تک اس کی حفاظت کرے۔

﴿۵﴾ طلوع فجر کے بعدیہ دعا پڑھے:

﴿۶﴾صحیفۂ کاملہ کی چوالیسویں دعا اگر اس ماہ کی پہلی رات میں نہ پڑھ سکے تو آج کے دن میں پڑھے۔

﴿۷﴾ زاد المعاد میں علامہ مجلسیؒ نے فرمایا کہ شیخ کلینیؒ و شیخ طوسیؒ اور دیگر بزرگوں نے معتبر سند کے ساتھ روایت کی ہے کہ امام موسٰی کاظمؑ نے فرمایا: ماہ مبارک رمضان میں اول سال یعنی اس ماہ کے پہلے دن جو شخص دکھاوے یا کسی غلط ارادے کے بغیر محض رضائے الٰہی کیلئے اس دعا کو پڑھے تو خدا سال بھر تک فتنہ وفساد اور بدن کو ضرر پہنچانے والی ہر آفت سے محفوظ رکھے گا۔ اور وہ دعا یہ ہے:

یہ فقیر ﴿مؤلف﴾ کہتے ہیں کہ سید نے اس کو رمضان کی پہلی رات کی دعاؤں میں بھی ذکر کیا ہے۔