یکم شوال کی رات با برکت راتوں میں سے ہے، اس کی فضیلت، بیداری، عبادت اور ثواب سے متعلق بہت سی احادیث وارد ہوئیں ہیں۔ حضرت رسولؐ سے مروی ہے کہ یہ رات مرتبے میں شب قدر سے کچھ کم نہیں۔ اور اس میں چند ایک اعمال ہیں

﴿۱﴾ غروب آفتاب کے وقت غسل کرے۔

﴿۲﴾ شب بیداری یعنی نماز، دعا، استغفار اور خدا سے طلب حاجات کرتے ہوئے مسجد میں جاگ کر رات گزارے۔

﴿۳﴾ نماز مغرب، عشا، فجر اور نماز عید کے بعد یہ تکبیریں پڑھے:

﴿۴﴾ نماز مغرب کے فرائض و نافلہ کے بعد ہاتھوں کو بلند کر کے کہے:

اس کے بعد سجدے میں جا کر سو مرتبہ کہے: اَتُوْبُ اِلَی ﷲِ پس اب خدا سے جو حاجت بھی طلب کرے انشاء اللہ پوری ہو گی۔

شیخ نے روایت کی ہے کہ نماز مغرب سے فراغت کے بعد سجدے میں جائے اور یہ پڑھے:

اس کے بعد سو مرتبہ کہے:

﴿۵﴾ امام حسینؑ کی زیارت پڑھے، کہ اس کی فضیلت بہت زیادہ ہے۔ اور آج کی رات امام حسینؑ کی مخصوص زیارت باب زیارت میں آئے گی۔

زیارت امام حسینؑ در عید الفطر

﴿۶﴾ شب جمعہ کے اعمال میں مذکورہ دعا یا دائم الفضل ..... دس مرتبہ پڑھے۔

﴿۷﴾ دس رکعت نماز پڑھے جس کا ذکر ماہ رمضان کی آخری شب کے اعمال میں ہو چکا ہے۔

﴿۸﴾ دو رکعت نماز ادا کرے جس کی پہلی رکعت میں سورۂ الحمد کے بعد ایک ہزار مرتبہ سورۂ توحید پڑھے، اور دوسری رکعت میں سورۂ الحمد کے بعد ایک مرتبہ سورۂ توحید پڑھے۔ نماز کا سلام دینے کے بعد سر سجدے میں رکھے اور سو مرتبہ کہے:

پھر کہے:

كَذَا وَكَذَا کی بجائے اپنی حاجت طلب کرے۔ روایت ہے کہ امیر المؤمنینؑ یہ نماز اسی طریقے سے بجا لاتے تھے اور جب سر سجدے سے اٹھاتے تو فرماتے کہ اس خدا کے حق کی قسم جس کے قبضہ قدرت میں میری جان ہے، جو بھی شخص یہ نماز پڑھ کر خدا سے اپنی کوئی حاجت طلب کرے گا تو وہ یقیناً پوری ہو گی، اور اس کے گناہ اگر ریت کے ذرات کے برابر بھی ہوں تو معاف کر دیئے جائیں گے۔ ایک اور روایت میں اس نماز کی پہلی رکعت میں ایک ہزار کی بجائے ایک سو مرتبہ سورۂ توحید پڑھنے کا ذکر آیا ہے لیکن اس صورت میں اس نماز کو نافلۂ مغرب کے بعد بجا لانا ہو گا۔ شیخ و سید نے اس نماز کے بعد پڑھنے کے لیے یہ دعا نقل کی ہے:

پھر سجدے میں جائے اور کہے:

﴿۹﴾ چودہ رکعت نماز بجا لائے کہ ہر رکعت میں سورۃ الحمد و آیۃ الکرسی کے بعد تین مرتبہ سورۂ توحید پڑھے تاکہ اسے ہر رکعت کے بدلے میں چالیس سال کی عبادت کا ثواب ملے نیز اس شخص کے برابر مزید ثواب بھی حاصل ہو کہ جس نے ماہ رمضان کے پورے روزے رکھے ہوں اور عبادت کی ہو۔

﴿۱۰﴾ مصباح میں شیخ کا فرمان ہے کہ آخر شب غسل کرے اور مصلائے عبادت پر رہے یہاں تک کہ صبح صادق ہو جائے۔