یہ فصل سامرہ میں مدفون ائمہ کی زیارت اور سرداب مطہرہ کے اعمال پر مشتمل ہے اور اس میں دو مقام ہیں۔

پہلا مقام، امام علی نقی و امام حسن عسکری علیہم السلام کی زیارت کا ہے۔

جب زائر سامرہ ﴿سرمن رای﴾ جائے اور وہاں ان دو اماموں کی زیارت کرنا چاہے، تو پہلے غسل کرے، پھر آرام و وقار کے ساتھ چلے اور حرم کے دروازے پر کھڑے ہو کر وہ عام اذن دخول پڑھے جو باب زیارات کی دوسری فصل کے شروع میں ذکر ہو چکا ہے

حرم ہائے مبارکہ کے لیے اذن دخول

اس کے بعد حرم شریف میں داخل ہو کر ان دونوں اماموں کی یہ مشترکہ زیارت پڑھے جو سب زیارتوں میں سے صحیح تر ہے:

اس کے بعد اپنے، اپنے والدین، اپنے بھائی بہنوں اور تمام مومنین و مومنات کیلئے جو بھی جائز دعائیں چاہے مانگے۔ اس کے علاوہ جس قدر ہو سکے وہاں دعائیں اور مناجات کرے۔ اگر ممکن ہو تو ان ضریحوں کے نزدیک دو رکعت نماز ادا کرے، اگر یہاں نہ پڑھ سکے تو قریبی مسجد میں جا کر یہ نماز پڑھے، اس کے بعد جو دعا بھی مانگے گا وہ قبول کی جائے گی۔ وہ مسجد ان دونوں ائمہؑ یعنی امام علی نقیؑ اور امام حسن عسکریؑ کے گھر کے قریب ہے جس میں وہ نماز پڑھا کرتے تھے۔

مؤلف کہتے ہیں: جو زیارت ہم نے ابھی نقل کی ہے یہ کامل الزیارات کی روایت کے مطابق ہے اور شیخ محمد بن المشہدی، شیخ مفید اور شہید نے بھی معمولی اختلاف کے ساتھ اپنی کتب مزار میں درج کیا ہے انہوں نے یہ بھی فرمایا کہ جملہ فِی الْجَنَّۃِ بِرَحْمَتِہٖ کے بعد خود کو ان دونوں قبروں کے ساتھ لپٹائے، ان پر بوسہ دے اور اپنے دونوں رخسار باری باری ان قبروں پر رکھے۔ پھر سر اوپر اٹھائے اور یہ پڑھے: اَللّٰھُمَّ اُرْزُقْنِیْ حُبُّھُمْ وَتَوَّفَنِیْ عَلٰی مِلَّتِھِمْ .... اور زیارت کے آخر تک کے باقی جملے بھی پڑھے۔ انہوں نے یہ بھی فرمایا ہے کہ زیارت کے بعد سرہانے کی طرف کھڑے ہو کر دو دو کر کے چار رکعت نماز زیارت پڑھے، پھر چاہے تو وہاں اور بھی نمازیں پڑھے۔

واضح رہے کہ یہ دونوں ائمہؑ اپنے گھر میں دفن ہیں۔ اس گھر کا ایک دروازہ تھا جو بعض اوقات شیعوں اور محبوں کی خاطر کھولا جاتا تھا اور وہ ان دونوں قبور کی زیارت کرتے تھے اور اکثر اوقات اس جالی سے بھی زیارت کی جاتی تھی جو سامنے کی دیوار میں لگی ہوئی تھی کیونکہ وہ دروازہ بند رکھا جاتا تھا۔ اسی سابقہ حدیث کی ابتدا میں یہ ذکر آیا ہے کہ غسل کرنے کے بعد اگر ممکن ہو تو اندر جا کر زیارت کرے، بصورت دیگر اسی جالی سے ہی سلام پیش کرے جو قبر کے سامنے کی دیوار میں ہے۔ جالی سے زیارت کرنے والے کو چاہیے کہ نماز زیارت نزدیک والی مسجد میں ادا کرے، تاہم یہ بہت پہلے کی صورت حال تھی۔ چنانچہ بعد میں شیعیان علیؑ نے ہمت سے کام لیا اور اس گھر کی قدیمی عمارت کو گرا کر اس کی بجائے گنبد، محراب اور کشادہ ایوان تعمیر کر دئیے، نیز مذکورہ مسجد کو حرم میں شامل کر کے اسے بھی حرم کا ایک حصہ بنا دیا۔ آج کل اس مسجد کے بارے میں کہا جاتا ہے کہ ضریح مبارک کی پشت کی جانب جو مستطیل عمارت بنی ہوئی تھی وہ مسجد اسی جگہ پر ہوتی تھی۔ بہرحال اب زائرین کو نماز اور زیارت میں پہلے کی طرح ادھر ادھر نہیں جانا پڑتا اور وہ جہاں چاہیں نماز زیارت بجا لا سکتے ہیں۔