اس فصل میں زیارت جامعہ، زیارت کے بعد پڑھے جانے والی دعا اور چہاردہ معصومین علیہم السلام کے لیے صلوات کا بیان ہے۔ یہ فصل چند مقامات پر مشتمل ہے۔ پہلا مقام زیارت جامعہ کے بارے میں ہے کہ جسے ہر ایک امامؑ کی زیارت کے وقت پڑھا جا سکتا ہے اور چند ایک زیارتیں ہیں۔ ان میں سے بعض کے بیان کرنے پر اکتفاء کرتے ہیں۔

شیخ صدوقؒ نے من لا یحضرہ الفقیہ میں روایت فرمائی ہے کہ بعض لوگوں نے امام رضاؑ سے دریافت کیا کہ امام موسیٰ کاظمؑ کی زیارت کس طرح کی جائے؟ آپ نے فرمایا کہ حضرت کے روضۂ پاک کے نزدیک جو مسجدیں ہیں ان میں نماز ادا کرو اور تمہارے لیے کافی ہو گا کہ تم جس بھی نبی اور وصی یا امام کی زیارت کو جاؤ تووہاں یہ زیارت پڑھو:

یہ زیارت الکافی، تہذیب اور کامل الزیارات میں بھی نقل ہوئی ہے۔ ان کتابوں میں یہ بھی تحریر ہے کہ یہ زیارت ہر امام کے روضۂ پاک کی زیارت کے وقت پڑھی جا سکتی ہے۔ یہ زیارت پڑھنے کے بعد محمدؐ و آل محمدؐ پر بہت زیادہ درود و سلام بھیجے اور معصومینؑ میں سے ہر ایک کا نام بھی لے اور ان کے دشمنوں سے اظہار بیزاری کرے اور اپنے لیے اور دیگر مومنین و مومنات کیلئے دعائیں مانگے۔

مؤلف کہتے ہیں اس عبارت سے معلوم ہوتا ہے کہ اس کے آخری جملے بھی روایت ہی کا جز ہیں، اور اگر یہ محدثین کا اپنا قول ہو تو بھی بات یہی رہے گی کہ جب ان مشائخ عظام نے اسے ہر امام کی زیارت کیلئے کافی شمار کیا ہے، ہمارے لیے ان بزرگان کا فرمان بھی لائق اعتماد ہے۔ علاوہ ازیں ان علمائے کرام نے اس زیارت کو زیارت جامعہ کے باب میں شامل کیا ہے اور پھر زیارت میں ایسے اوصاف کا ذکر کیا ہے جو کسی ایک معصومؑ کے ساتھ مختص نہیں، لہٰذا اس زیارت کو زیارت جامعہ تصور کرنا اور اسے تمام انبیاء و اوصیاء کے مشاہد مقدسہ میں پڑھنا بہت ہی مناسب و موزوں ہے۔ جیسا کہ بعض علماء نے اسے حضرت یونسؑ کے روضہ پر پڑھنے کا ذکر فرمایا ہے۔ نیز اس زیارت کے آخر میں ہر معصوم پر صلوٰۃ کا خاص حکم وارد ہوا ہے۔ اگر وہ صلوٰت پڑھی جائے جو ابوالحسن ضراب اصفہانی کی طرف منسوب ہے جو روز جمعہ کے اعمال کے آخر میں نقل ہوچکی ہے تو بہت بہتر ہے۔

صلوات ابولحسن ضراب اصفہانی