زائر جب مدینہ منورہ پہنچے تو غسل زیارت کرے اور مسجد نبوی میں داخل ہونے لگے تو دروازے پر کھڑے ہو کر پہلا اذن دخول پڑھے جو قبل ازیں نقل کیا جا چکا ہے۔

اذن دخول

اس کے بعد بابِ جبرائیلؑ سے داخل ہو۔ پہلے اپنا دایاں پاؤں اندر رکھے اور سو مرتبہ ﷲ اكبر کہے۔ پھر دو رکعت نماز تحیۃ المسجد بجا لائے۔ پھر حجرۂ مبارک کی طرف جائے اور اپنا ہاتھ اس سے مس کر کے اس پر بوسہ دے اور یہ پڑھے:

پھر اس ستون کے قریب کھڑا ہو جو قبر مطہر کے دائیں طرف ہے، وہاں اس طرح قبلہ رخ ہو جائے کہ بایاں کاندھا قبر شریف کی طرف اور دایاں کاندھا منبر کی جانب ہو کہ یہی رسول کے سر مبارک کا مقام ہے۔ پس اس طرح کھڑے ہو کر یہ پڑھے:

اگر تمہیں کوئی حاجت ہو توقبلہ رخ ہو جاؤ اس وقت قبر مبارک کندھے کے پیچھے ہو جائے گی اس وقت ہاتھوں کو بلند کر کے حاجت طلب کرو تو انشاء اللہ پوری ہو جائے گی۔

ابن قولویہ نے معتبر سند کے ساتھ محمد بن مسعود سے روایت کی ہے کہ میں نے دیکھا کہ امام جعفر صادقؑ رسولؐ اللہ کی قبر مبارک کے قریب آئے اور اپنا ہاتھ اس پر رکھ کر یہ پڑھا:

اس کے بعد فرمایا:

شیخ نے مصباح میں فرمایا ہے کہ جب آنحضرتؐ کی قبر مبارک کے نزدیک دعا وغیرہ سے فارغ ہو جاؤ تو منبر کے پاس جاؤ اور اپنا ہاتھ اس سے مس کرو۔ نیز منبر کی نچلی طرف جو انار کی مثل زینے ہیں ان کو بھی اپنے چہرے اور آنکھوں سے مس کرو، اس سے آنکھوں کو شفا ملتی ہے۔ پھر منبر کے پاس کھڑے ہو کر اللہ تعالیٰ کی حمد و ثنا کرو اور اپنی حاجات طلب کرو، کیونکہ حضرت رسولؐ خدا کا ارشاد ہے کہ میری قبر اور میرے منبر کے درمیان جنت کے باغوں میں سے ایک باغ ہے، میرا منبر بہشت کے دروازوں میں سے ایک دروازہ ہے۔

پھر مقام رسولؐ کے پاس جائے اور وہاں جتنی نمازیں پڑھ سکے پڑھے۔ مسجد نبویؐ میں زیادہ سے زیادہ نمازیں ادا کرے کیونکہ وہاں پڑھی گئی ایک نماز ہزار نمازوں کے برابر ہے اور جب بھی مسجد میں داخل ہو یا وہاں سے باہر نکلے تو صلوات پڑھے۔ حضرت فاطمتہ الزہراؑ کے مکان میں بھی نماز پڑھے اور پرنالے کے نیچے مقام جبرائیلؑ پر بھی جائے۔ اسی مقام پر حضرت جبرائیلؑ ، حضرت نبی اکرمؐ کی خدمت میں حاضر ہونے کی اجازت لیا کرتے تھے وہاں کھڑے ہو کر یہ پڑھے: