دوسرا مقصد امیر المؤمنین علیہ السلام کی زیارت مخصوصہ کے بارے میں ہے اور اس میں چند زیارات ہیں کہ ان میں پہلی زیارت روز غدیر ہے۔ امام رضا علیہ السلام سے روایت ہوئی ہے، آپ نے ابن ابی نصر سے فرمایا: اے ابن ابی نصر! تم جہاں کہیں بھی ہو، روز غدیر امیر المؤمنین علیہ السلام کے روضہ پر حاضر ہو جاؤ، یقیناً حق تعالی اس روز مومن مردوں اور عورتوں کے ساٹھ سال کے گناہ معاف کرتا ہے اور اس روز اس سے دگنے مردوں عورتوں کو جہنم کی آگ سے آزاد فرماتا ہے جتنے ماہ رمضان، شب قدر، اور شب عید فطر میں آزاد کیے ہوتے ہیں۔

واضح رہے کہ اس پاک دن پڑھنے کیلئے بہت سی زیارتیں نقل کی گئی ہیں۔

﴿۱﴾ پہلی زیارت امین اللہ ہے جو کہ مطلقہ زیارت میں دوسری زیارت کے عنوان سے گزر چکی ہے۔

زیارت امین اللہ

طویل زیارت

﴿۲﴾ یہ زیارت معتبر اسناد کے ساتھ امام علی نقی علیہ السلام سے نقل کی گئی ہے، جس کی کیفیت یہ ہے کہ جب زیارت کا ارادہ کرے تو امیر المؤمنین علیہ السلام کے روضۂ منورہ کے دروازے پر کھڑے ہو کر اِذن دخول پڑھے۔ اور شیخ شہید نے اس طرح فرمایا ہے کہ غسل کرے، پاکیزہ لباس پہنے اور پھر داخلے کی اجازت طلب کرتے ہوئے کہے:

اور یہ وہی پہلا اذن دخول ہے جو ہم نے باب اول میں نقل کیا ہے۔

حرم ائمہ کے لیے اذن دخول

دایاں پاؤں آگے رکھ کر اندر داخل ہو، ضریح مبارک کے نزدیک جائے، اور پشت بہ قبلہ ضریح کے سامنے کھڑا ہو اور کہے:

مؤلف کہتے ہیں ہم نے کتاب ہدیۃ الزائرین میں اس زیارت کی سندکی طرف اشارہ کیا ہے اور یہ بھی بتایا ہے کہ اس زیارت کو ہر روز نزدیک یا دور سے پڑھا جا سکتا ہے۔ ذوق عبادت رکھنے والوں اور امیر المؤمنین علیہ السلام کی زیارت کے شائقین کو اسے غنیمت شمار کرنا اور اس سے فائدہ اٹھانا چاہیے۔

مختصر زیارت

﴿۳﴾ روز غدیر کی تیسری زیارت وہ ہے، جسے سید نے اقبال میں امام جعفر صادق علیہ السلام سے نقل کیا اور فرمایا ہے کہ اگر کوئی شخص غدیر کے دن امیر المؤمنینؑ کی قبر پر موجود ہو، تو نماز اور دعا کے بعد قبر شریف کے نزدیک جا کر یہ زیارت پڑھے۔ اگر کسی دوسرے شہر میں ہو تو اس دن امیر المؤمنین علیہ السلام کی قبر مبارک کی طرف اشارہ کرتے ہوئے اسے پڑھے اور وہ دعا یہ ہے۔

مؤلف کہتے ہیں سیدؒ نے مصباح الزائر میں اس باشرف دن میں پڑھنے کیلئے ایک اور زیارت نقل کی ہے مگر اس دن کے ساتھ اس زیارت کی خصوصیت کا علم نہیں ہو سکا۔ مذکورہ زیارت ان دو زیارتوں پر مشتمل ہے جن کو علامہ مجلسی نے تحفہ کی دوسری اور تیسری زیارت قرار دیا ہے۔