یہ روز عرفہ ہے اور بہت بڑی عید کا دن ہے، اگر چہ اس کو عید کے نام سے موسوم نہیں کیا گیا۔ یہی وہ دن ہے جس میں خدائے تعالیٰ نے بندوں کو اپنی اطاعت و عبادت کی طرف بلایا ہے۔ آج کے دن ان کے لیے اپنے جود و سخا کا دسترخوان بچھایا ہے اور آج شیطان کو دھتکارا گیا اور وہ ذلیل و خوار ہوا ہے۔

روایت ہے کہ امام زین العابدینؑ نے روز عرفہ ایک سائل کی آواز سنی جو لوگوں سے خیرات مانگ رہا تھا۔ آپ نے فرمایا: افسوس ہے تجھ پر کہ آج کے دن بھی تو غیر خدا سے سوال کر رہا ہے حالانکہ آج تو یہ امید ہے کہ ماؤں کے پیٹ کے بچے بھی خدا کے لطف و کرم سے مالامال ہو کر سعید و خوش بخت ہو جائیں۔

اس دن کے چند ایک اعمال ہیں:

﴿۱﴾ غسل کرے۔

﴿۲﴾ امام حسینؑ کی زیارت کرے اس کا ثواب ہزار حج وعمرہ اور ہزار جہاد جتنا بلکہ اس سے بھی زیادہ ہے۔ اس زیارت کی فضیلت میں بہت سی متواتر حدیثیں نقل ہوئی ہیں، کہ آج کے دن جو کوئی حضرت کے قبۂ مقدسہ کے سائے میں رہے تو اس کا ثواب عرفات والوں سے کم نہیں زیادہ ہے اور وہ ان لوگوں سے مقدم ہے۔ حضرت کی زیارت کی کیفیت باب زیارت میں آئے گی۔ تاہم یہ یاد رہے کہ یہ ثواب اور درجہ اس شخص کے لیے ہے جو اپنا واجب حج چھوڑ کر زیارت کو نہ گیا ہو۔

روزِ عرفہ میں زیارت امام حسینؑ

﴿۳﴾ نماز عصر کے بعد دعائے عرفہ پڑھنے سے قبل زیر آسمان دو رکعت نماز بجا لائے اور اپنے گناہوں کا اقرار و اعتراف کرے تاکہ اسے عرفات میں حاضری کا ثواب ملے اور اس کے گناہ معاف ہوں۔ اس کے بعد ائمہ طاہرینؑ کے حکم کے مطابق دعائے عرفہ پڑھے اور اعمال عرفہ بجا لائے اور یہ اعمال بہت زیادہ ہیں کہ اس مختصر کتاب میں ان کا بیان ممکن نہیں، پھر بھی حسب گنجائش ہم یہاں چند اعمال کا ذکر کرتے ہیں۔

شیخ کفعمی نے مصباح میں فرمایا ہے کہ یوم عرفہ کا روزہ مستحب ہے بشرطیکہ دعائے عرفہ کے پڑھنے میں کمزوری کا بھی خوف نہ ہو۔ زوال سے پہلے غسل کرنا بھی مستحب ہے اور شب عرفہ و روز عرفہ زیارت امام حسینؑ بھی مستحب ہے۔

زوال کے وقت زیر آسمان نماز ظہر و عصر نہایت متانت اور سنجیدگی سے بجا لائے، اس کے بعد دو رکعت نماز پڑھے جس کی پہلی رکعت میں سورۂ الحمد کے بعد سورۂ توحید اور دوسری رکعت میں سورۂ الحمد کے بعد سورۂ کافرون پڑھے۔

اس کے بعد چار رکعت نماز پڑھے جس کی ہر رکعت میں سورۂ الحمد کے بعد پچاس مرتبہ سورۂ توحید پڑھے۔ مؤلف کہتے ہیں کہ یہ چار رکعت وہی امیر المؤمنینؑ کی نماز ہے جو اعمال روز جمعہ میں مذکور ہے۔ پھر فرماتے ہیں کہ چار رکعت نماز کے بعد یہ دس تسبیحات پڑھے جو رسولؐ اللہ سے مروی ہیں اور سید ابن طاؤس نے اپنی کتاب اقبال میں درج کیں اور وہ یہ ہیں۔

پھر سو مرتبہ کہے:

نیز سورۂ توحید و آیت الکرسی اور صلوات سو سو مرتبہ پڑھے۔

پھر دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے:

دس مرتبہ کہے: اٰمِیْن

پھر یہ کہے:

پس اپنی حاجت طلب کرے کہ انشاء اللہ پوری ہو گی۔

امام جعفر صادقؑ سے منقول ہے کہ جو شخص یہ صلوات پڑھے تو گویا اس نے اہل بیتؑ کو مسرور کیا ہے۔ اور وہ یہ ہے:

اس کے بعد دعائے ام داؤد پڑھے جو ماہ رجب کے اعمال میں ذکر ہوچکی ہے۔

دعائے ام داؤد

پھر یہ تسبیح پڑھے کہ جس کے ثواب کا اندازہ ہی نہیں ہو سکتا اور بوجۂ اختصار ہم نے اس (ثواب) کو بیان نہیں کیا، وہ تسبیح یہ ہے:

تسبیحات کا بقیہ حصہ ملحقات دوم میں ملاحظہ کریں

پھر کہے وَالْحَمْدُ لِلّٰہِ قَبْلَ كُلِّ اَحَدٍ وَالْحَمْدُ لِلّٰہِ بَعْدَ كُلِّ اَحَدٍ ... دعا کے آخر تک لیکن ہر جگہ سُبْحَانَ ﷲِ کی بجائے اَلْحَمْدُ لِلّٰہِ کہے۔

اور جب اَحْسَنُ الْخَالِقِیْن تک پہنچے تو کہے لَا اِلٰہَ اِلَّا ﷲُ قَبْلَ كُلِّ اَحَدٍ ... دعا کے آخر تک مگر ہر جگہ سُبْحَانَ ﷲِ کی بجائے لَا اِلٰہَ اِلَّا ﷲُ کہے۔

اس کے بعد کہے وَاللّٰهُ اَكْبَرُ قَبْلَ كُلِّ اَحَدٍ ... دعا کے آخر تک مگر جہاں سُبْحَانَ ﷲِ ہے وہاں اَللّٰهُ اَكْبَرُ کہے۔

پھر یہ دعا پڑھے جو شب جمعہ کے اعمال میں ذکر ہوئی ہے:

مکمل دعا شب جمعہ کے اعمال میں ملاحظہ کریں

بعد میں امام زین العابدینؑ کی یہ دعا پڑھے جو شیخ طوسیؒ نے مصباح المتہجد میں ذکر کی ہے:

مؤلف کہتے ہیں کہ یہ دعا مقام عرفات کی ہے اور پھر طویل بھی ہے، لہذا ہم نے یہاں درج نہیں کی ہے۔

علاوہ ازیں آج کے دن امام زین العابدینؑ ہی کی وہ دعا پڑھے جو صحیفۂ کاملہ میں سینتالیسویں دعا ہے اور دونوں جہانوں کے تمام مطالب و مقاصد پر مشتمل ہے۔ اس دعا کو صدق دل سے پڑھنے والے پر خدا کی رحمت ہو۔

اس دن پڑھی جانے والی دعاؤں میں سے ایک امام حسینؑ کی دعا ہے۔ بہرحال جس کو خدا توفیق عطا فرمائے اور وہ آج کے دن عرفات میں موجود ہو تو اس کیلئے آج کے دن کے بہت سے اعمال اور دعائیں ہیں، لیکن آج کے دن کی اہم ترین دعا دعائے عرفہ ہے۔

دعائے عرفہ

دعا و مناجات کے لحاظ سے آج کا دن پورے سال کے دنوں میں ایک خاص امتیاز رکھتا ہے۔ پس اس روز اپنے زندہ و مردہ مومن بھائیوں کے لئے زیادہ سے زیادہ دعا کرنا چاہیے۔

عبد اللہ بن جندب کی حالت کے بارے میں روایت مشہور ہے کہ وہ عرفات میں کیسے کھڑے ہوتے تھے، ان کی حالت کیا ہوتی تھی اور وہ اپنے مومن بھائیوں کے لئے کس طرح دعا کرتے تھے۔ نیز زید نرسی کی روایت میں ہے کہ ثقۂ جلیل معاویہ ابن وہب عرفات میں کس طرح کھڑے ہوتے اور کیسے اپنے ایک ایک مومن بھائی کے لئے دعا کرتے تھے۔ علاوہ ازیں آج کے دن کی عظمت کے بارے میں انہوں نے امام جعفر صادقؑ سے بھی روایت کی ہے کہ اس روز دعا کرنا ایک بہترین اور پسندیدہ عمل ہے۔ پس امید واثق ہے کہ برادران دینی اور بزرگواروں کی پیروی کرتے ہوئے اس روز اپنے مومن بھائیوں کیلئے دعا کریں گے اور مجھ گناہ گار کو میری زندگی اور موت ہر حال میں اپنی روز عرفہ کی دعا میں فراموش نہیں کریں گے۔

آج کے دن تیسری زیارت جامع پڑھے، جو گیارہویں فصل میں ہے۔

تیسری زیارت جامعہ

اور اس دن کے آخری حصے میں یہ دعا پڑھے:

پھر یہ بھی پڑھے:

مؤلف کہتے ہیں کہ روز عرفہ کی دعاؤں کے سلسلے میں سید ابن طاؤس نے غروب آفتاب کے وقت پڑھنے کے لئے اس دعا کا ذکر فرمایا ہے: بِسْمِ ﷲِ وَبِاللّٰهِ وَسُبْحَانَ ﷲِ وَالْحَمْدُ لِلّٰہِ یہ دعا وہی دعائے عشرات ہے جو قبل از یں چھٹی فصل میں ذکر ہو چکی ہے، پس یہ دعا جو ہر صبح و شام پڑھی جاتی ہے اس کو آخر روز عرفہ میں پڑھنا ترک نہ کرے۔ یہ عشراتی اذکار کہ جن کو شیخ کفعمیؒ نے نقل کیا ہے وہی اذکار ہیں جو سید نے بھی تحریر فرمائے ہیں۔

دعائے عشرات